पुणे : लोहगाव आंतरराष्ट्रीय विमानतळ समोरील चौकात गुरुवारी सायंकाळी ऐन रहदारीच्या वेळी घोणस जातीचे दोन साप अचानक एकामागोमाग एक रस्त्यावर आले.

ताज्या बातम्यांसाठी डाऊनलोड करा ई-सकाळचे ऍप

वाहन चालकांच्या लक्षात न आल्याने  त्यातील एक साप दुर्दैवाने वाहनामुळे जखमी झाला. हे लक्षात आल्यानंतर तेथून जाणारे वडगाव शेरीतील अमोल खेडकर आणि त्यांच्या मित्रांनी प्रसंगावधान राखत दोन्ही बाजूंची वाहतूक तात्काळ रोखून धरली. त्यामुळे दोन्ही सापांना सुरक्षितपणे रस्ता ओलांडून जाता आले. त्यामुळे काही काळ येथे वाहतूक कोंडी झाली होती.

परंतु, वाहतूक कोंडीचे कारण लक्षात आल्यानंतर वाहनचालकांनीही सहकार्य करीत सापांना जाऊ दिले. अन कार्यकर्त्यांच्या प्रसंगावधनामुळे दोन्ही सापांचे प्राण वाचले.