नारायणगाव : येथील वारुळवाडी-गुंजाळवाडी रस्त्यावर गुरुवर्य रा. प. सबनीस हायस्कूल जवळील ओढ्यावर असलेल्या पुलावर भगदाड पडल्याने रस्ता वाहतुकीस धोकादायक झाला आहे. काही वर्षांपूर्वी पंतप्रधान सडक योजनेतून या रस्त्याचे काँक्रीटीकरण व पुलाचे काम करण्यात आले होते. भराव खचून पुलावर भगदाड पडल्याने या कामाच्या गुणवत्ते बाबत प्रश्न उपस्थित होत आहे. शेतमालाच्या वाहतुकीची या रस्त्यावर वर्दळ असल्याने सार्वजनिक बांधकाम विभागाने या रहदारीच्या रस्त्यावरील पुलाची तातडीने दुरुस्ती करावी. अशी मागणी माजी सरपंच जंगल कोल्हे यांनी केली आहे.
आज सकाळी बारा वाजण्याचा सुमारास येथील ओढ्यावरील पुलाच्या अस्तरीकरणाच्या उत्तर बाजूस सुमारे चार फूट रुंद व दहा फूट खोल भगदाड पडले. या रस्त्यावर वाहतुकीची मोठी वर्दळ असते.मात्र सुदैवाने कोणतीही अनुचित घटना घडली नाही.पडलेल्या खाड्याचे निरीक्षण केले असता काँक्रीटीकरण केलेल्या अस्तरीकरणाच्या खाली माती दिसून येत आहे. पिचिंग व्यवस्थित न झाल्याने अस्तरीकरण खचून भगदाड पडले आसल्याचे दिसुन येत आहे.
स्थानिक नागरिकांनी खड्ड्याभोवती दगड लावून रस्त्याचा हा भाग वाहतुकीसाठी बंद केला आहे. मात्र रात्रीच्या वेळी अपघात होण्याची शक्यता असल्याने पुलाची तातडीने दुरुस्ती करणे आवश्यक आहे.
या रस्त्याचे काम कोणी केले, कसे केले या बाबत मला माहित नाही. लगेच दुरुस्ती करणे शक्य नाही. ठेकेदार चौधरी यांना दुरुस्ती करण्यासाठी सांगितले आहे. -चंद्रशेखर टोटावर (उपअभियंता सार्वजनिक बांधकाम विभाग जुन्नर)
(संपादन : सागर डी. शेलार)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.