पुणे : कोरोना पॉझिटीव्ह असलेल्या आरोपींवर उपचार करण्यासाठी निर्माण करण्यात आलेल्या येरवडा येथील तात्पुरत्या कारागृहातून दोन आरोपींनी धूम ठोकली आहे. काल रात्री एक वाजण्याच्या सुमारास पळून गेलेले हे दोन्ही आरोपी कोरोना पॉझिटिव्ह आहेत. 

ताज्या बातम्यांसाठी डाऊनलोड करा ई-सकाळचे ऍप

अनिल विठ्ठल वेताळ (वय 21, रा. गणेश नगर,  भीमा कोरेगाव, शिरूर) आणि विशाल रामधन खरात (रा.फातिमा मज्जित समोर, श्री समर्थ हौसिंग सोसायटी, घर नं 5, निगडी ) अशी पळून गेलेल्या दोघांची नावे आहेत. दोघेही गंभीर गुन्ह्यातील संशयित आरोपी आहेत. वेताळ याच्यावर शिक्रापूर पोलिस ठाण्यात मारहाण करून जबरी चोरी केल्याचा गुन्हा दाखल आहे.  तर खरात याच्यावर चिखली पोलिस ठाण्यात खुनाचा प्रयत्न केल्याप्रकरणी गुन्हा दाखल आहे. 

जगभरातील इतर बातम्या वाचण्यासाठी येथे क्लिक करा

कोरोना पॉझिटिव्ह असलेल्या कच्या आणि पक्क्या कैद्यांसाठी कारागृह प्रशासनाच्यावतीने तात्पुरत्या कारागृहाची निर्मिती करण्यात आली आहे. त्या या आरोपींवर उपचार केले जातात. न्यायालयीन कोठडीत असलेल्या तात्पुरत्या कारागृहाच्या बिल्डिंग क्र 104, पहिला मजला येथील खोली क्रमांक एकमध्ये कोरोनावर उपचार घेत असताना दोघे पळून गेले आहेत. या पूर्वीही कारागृहातून आरोपी पळून गेल्याच्या घटना घडल्या आहेत. कोरोना पॉझिटिव्ह असताना दोघा आरोपींच्या पालायनायनाने कारागृह प्रशासनाची डोकेदुखी वाढली आहे. दोघांवर येरवडा पोलिस ठाण्यात गुन्हा दाखल करण्यात आला असून त्यांच्या शोधासाठी पथके रवाना करण्यात आली आहेत. या प्रकरणाचा तपास येरवडा पोलिस ठाण्याचे सहायक पोलिस निरीक्षक बलभीम ननवरे करित आहे.

देशभरातील इतर बातम्या वाचण्यासाठी येथे क्लिक करा