पुणे : वाहतूक नियमांकडे दुर्लक्ष करून वाहन चालविल्याने झालेल्या दोन स्वतंत्र अपघातात दुचाकीवरील दोघांचा मृत्यू झाला आहे. या प्रकरणी बिबवेवाडी आणि भारती विद्यापीठ पोलिस ठाण्यात टेम्पो आणि ट्रक चालकाविरोधात गुन्हा दाखल करण्यात आला आहे. 

- ताज्या बातम्यांसाठी डाऊनलोड करा ई-सकाळचे ऍप

पहिल्या अपघातात दुचाकीस्वार राजेंद्र महादेव मोरे (वय 55 रा. दत्तविहार इमारत शेजारी, येवलेवाडी) यांचा मृत्यू झाला. त्यांच्या मृत्यूस जबाबदार ठरल्याप्रकरणी ऋतिक शंकर केंगार (वय 19, रा. दत्त मंदिरामागे, बिबवेवाडी) याला अटक करण्यात आली आहे. तर प्रवीण पिसे (वय 32, रा. बिबवेवाडी) यांनी फिर्याद दिली आहे. पोलिसांनी दिलेल्या माहितीनुसार, शनिवारी (ता. 26) बिबवेवाडीतील शेळके वस्तीमधील सार्वजनिक रस्त्यावर ऋतिक हा भरधाव वेगाने टेम्पो घेऊन निघाला होता. टेम्पो चालवत तो चंदन मार्बल शेजारील रस्त्यावर आला असताना त्याने मोरे यांच्या दुचाकीला जोरदार धडक दिली. या धडकेत मोरे यांचा मृत्यू झाला. तर या अपघातात मंगेश सोळंकी यांच्या रिक्षाचे 10 हजार रुपयांचे नुकसान झाले. या अपघाताची घटना तेथील सीसीटीव्ही कॅमेरात कैद झाली आहेत. त्यातून अपघाताची भीषणता स्पष्ट होते. 

घर, पैसा असलेले लोकही फक्त 10 हजारांसाठी झालेत फेरीवाले!

दुसऱ्या प्रकरणात ट्रकच्या धडकेत अज्ञान व्यक्तीचा मृत्यू झाला आहे. भारती विद्यापीठ पोलिस ठाण्यातील पोलिस हवालदार प्रकाश साळुंखे यांनी दिलेल्या फिर्यादीवरून संबंधित ट्रक चालकावर गुन्हा दाखल करण्यात आला आहे. हा अपघात 16 डिसेंबर रोजी नवले पुलाकडून कात्रज चौकाकडे येणाऱ्या रस्त्यावर राजमाता भुयारी उद्यानाजवळ घडला होता. मृत्यू झालेल्या व्यक्तीची आणि धडक देणाऱ्या ट्रकचालकाची माहिती पोलिस शोधत आहेत.
 

फिरायला जाण्याचा प्लॅन बनवताय? चला विदर्भाच्या काश्मिरात; 'ही' आहेत...