नसरापूर (पुणे) :  भोर तालुक्याच्या नसरापूर परिसरातील साळवडे व वरवे या गावांमध्ये पुन्हा प्रत्येकी एक रुग्ण नव्याने सापडला आहे. त्यामुळे कोरोनाबाधितांची संख्या वाढली असून, राजगड (नसरापूर) पोलिस ठाण्याच्या हद्दीत आतापर्यंत रुग्णांची सख्या पंधरा झाली आहे. त्यामधील चार रुग्ण उपचार घेऊन बरे झाले असून, एकाच मृत्यु झाला आहे, तर दहा जण उपचार घेत आहेत.

पुण्यामध्ये आजपासून नवीन नियम लागू...

वरवे येथील कंपनीमध्ये भोर तालुक्यातील साळवडे, वरवे खुर्द, खडकी, शिवरे या गावांमधील प्रत्येकी एक रुग्ण आढळला होता. त्यानंतर आज साळवडे गावात दुसरा रुग्ण सापडला. संबंधित व्यक्ती पुण्याला कामासाठी ये जा करत होती. या संपर्कामधून त्यांना संसर्ग झाला असण्याची शक्यता आहे. वरवे बुद्रुक येथे एका कुटुंबात पुण्यामधील नातलग महिला काही दिवसांकरिता आली होती. ती परत पुण्यात गेल्यावर तिचा अहवाल कोरोना पाॅझिटिव्ह आला होता. तिच्या संपर्कात आलेल्यांची चौकशी व तपासणी करताना वरवे बुद्रुक येथील एक व्यक्ती कोरोनाबाधित असल्याचे निष्पन्न झाले. शा प्रकारे दोन नविन रुग्णांची भर आज पडली आहे.

कोरोनामुळे 78 टक्के लघू, सूक्ष्म उद्योगांचे काम बंद 

राजगड पोलिस ठाण्याअंतर्गत आतापर्यंत नसरापूरमध्ये अढळलेले दोन रुग्ण पूर्ण बरे झाले असून, रहाटवडे येथे सापडलेल्या तीन रुग्णांपैकी एकाचे निधन झाले असून, दोन जण पूर्ण बरे झाले आहेत. या बरोबरच साळवडे येथे दोन, वरवे बुद्रुक येथे एक, वरवे खुर्द येथे एक, शिवरे येथे एक, खडकी येथे एक, खेड शिवापूर येथील 4 रुग्ण उपचार घेत आहेत. आतापर्यंत आढळून आलेल्या 15 रुग्णांपैकी 10 रुग्णांवर उपचार चालू आहेत. तर, चार पूर्ण बरे झाले असून, एकाचे निधन झाले आहे.

जिल्ह्यात हरघर गोठे, घरघर गोठे...

उपचार चालु असलेल्या दहा रुग्णांपैकी बहुतेकांच्या कुटुंबियांना काहीच त्रास नाही. त्यामुळे त्यांना होम क्वारंटाइन केले आहे.  फक्त साळवडे येथील एका रुग्णाच्या पाच नातेवाईकांना त्रास जाणवत असल्याने त्यांचे स्वॅबचे नमुने तपासणीसाठी पाठवले आहेत. त्यांचा अहवाल उद्या मिळणार आहे.