पंतप्रधानांच्या विमानाला यूएईचे सुरक्षा कवच
पंतप्रधान नरेंद्र मोदी यांचे विमान शुक्रवारी संयुक्त अरब अमिरातीच्या (यूएई) हवाई हद्दीत दाखल झाल्यानंतर विशेष सन्मान म्हणून यूएईच्या हवाई दलाच्या एफ-१६ लढाऊ विमानांच्या तुकडीने पंतप्रधान नरेंद्र मोदी यांच्या विमानाला सुरक्षा कवच दिले.‘‘आज तुमच्या हवाई दलाने मला दिलेला सन्मान हा भारतातील जनतेचाही सन्मान आहे.’’ असे म्हणत पंतप्रधान मोदी यांनी यूएईचे अध्यक्ष शेख मोहम्मद बिन झायेद यांचे समाज माध्यमातून आभार मानले. विशेष म्हणजे दोन्ही देशांमधील दृढ मैत्रीपूर्ण संबंधांचे प्रतीक म्हणून शेख मोहम्मद बिन झायेद यांनी स्वतः विमानतळावर दाखल होत पंतप्रधान मोदी यांचे स्वागत केले.