Pune News: दौंड तालुक्यातील खामगाव येथे दुर्दैवी घटना घडली आहे. दोन टेम्पोच्या मध्ये चिरडून एका कामागाराचा मृत्यू झाला आहे. अनमोल ऍग्रो इंडस्ट्रीज कंपनीतील हा दुर्दैवी प्रकार आहे. सर्व प्रकार सीसीटीव्ही मध्ये कैद झाला असून दृश्य विचलित करणारे आहेत. 'साम टीव्ही'ने यासंदर्भातील वृत्त दिलं आहे,

सीसीटीव्ही फुटेजमध्ये दिसत आहे की, एक ट्रक मैदानात फिरत होता. त्याचवेळी दुसरा एक ट्रक अचानक रिव्हर्स घेतो. याच दरम्यान एक कामगार या दोन टेम्पोच्या मध्ये येतो. दोन टेम्पोच्या मध्ये चिरडून या कामगाराचा मृत्यू झाला आहे. आणखी दोन कामगार सुदैवाने यातून बचावले आहेत.

व्हिडिओमध्ये दिसतंय की, तीन व्यक्ती आपल्या मार्गाने जात होते. यावेळी अचानक एक टेम्पो रिव्हर्स येतो. याच वेळी दुसरा एक टेम्पो त्याठिकाणी असतो. यावेळी तीन व्यक्तींपैकी दोन व्यक्ती सुदैवाने टेम्पोपासून दूर जातात. मात्र, एक व्यक्ती दोन टेम्पोच्या बरोबर मध्ये सापडतो. यावेळी दोन टेम्पोमध्ये तो चिरडला जातो. चालकाने टेम्पो पुढे घेतल्यानंतर तो जमिनीवर पडतो.

कामगाराचा जागेवरच मृत्यू झाल्याची माहिती आहे. त्याला हॉस्पिटलमध्ये दाखल करण्यात आले होते, पण त्याचा मृत्यू झाला होता. याप्रकरणी पोलीस स्टेशनमध्ये गुन्हा दाखल झाला आहे. पोलीस याप्रकरणी कारवाई करत आहेत.