पुणे : देशातील लाॅकडाऊन १७ मे पर्यंत वाढल्याने केंद्रीय लोकसेवा आयोगाने (यूपीएससी) ३१ मे रोजी होणारी 'यूपीएससी नागरी सेवा पूर्व परीक्षा २०२०' पुढे ढकलण्यात आली आहे. आयोगाच्या आजच्या बैठकीत हा निर्णय घेण्यात आला.
कोरोनाचा संसर्ग वाढल्याने देशात तिसऱ्या टप्प्यात लॉकडाऊन जाहीर केला. 'एमपीएससी'ने यापूर्वीच राज्यसेवा पूर्व परीक्षा पुढे ढकलली आहे. इतर परीक्षांचे वेळापत्रक कोलमडले आहे. मात्र, 'यूपीएससी'ने कोणताही निर्णय घेतला नव्हता.
'यूपीएससी'ने आज आढावा बैठक घेतली. त्यातल ३१ मे रोजी होणारी नागरी सेवा पूर्व परीक्षा रद्द केली. २० मे रोजी देशातील परिस्थितीचा आढावा घेतल्यानंतर या परीक्षेची पुढची तारीख जाहीर केली जाईल. दरम्यान यूपीएससी परीक्षेची तयारी सुरूच ठेवावी. गेल्या सहा वर्षाच्या प्रश्नपत्रिकांचा आढावा घ्यावा, या वाढीव दिवसांचा सदुपयोग करावा, असे आवाहन आयोगाने परिपत्रकात केले आहे.
दरम्यान, 'यूपीएससी'ने यापूर्वी नागरी सेवा परीक्षा २०१९ च्या मुलाखतींसह आर्थिक सेवा, केंद्रीय सशस्त्र पोलीस दल, एनडीए आणि संयुक्त वैद्यकीय सेवा परीक्षा या २०२० च्या परीक्षांचा समावेश यामध्ये आहे.
- कोरोनाशी संबंधित पुण्याच्या बातम्या वाचण्यासाठी येथे ► क्लिक करा
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.