वालचंदनगर : कळंब व सणसर (ता.इंदापूर)येथे वालचंदनगर पोलिसांनी बेकायदेशीर मटक्याच्या व ताडीच्या अड्यावर छापा टाकून २ लाख २६ हजार रुपयांचा ऐवज जप्त करुन पाच जणांवर गुन्हा दाखल केला.
याप्रकरणी वालचंदनगर पोलिसांनी पृथ्वीराज उमेश घोडके, उमेश घोडके , आस्लम मौला पठाण (रा.सर्वजण,कळंब), क्षितीज वनसाळे (रा.नऊदारे ) व नवनाथ महादेव खरात ( रा.लासुर्णे) यांच्यावर गुन्हा दाखल केला आहे.
पोलिसांनी दिलेल्या माहितीनूसार कळंब व सणसर परीसरामध्ये मटक्याचा व ताडीचा अड्डा सुरु असल्याची माहिती मिळाल्यानंतर शनिवार (ता.११) रोजी दुपारी ३ वाजण्याच्या सुमारास कळंब गावच्या हद्दीतील पठाणवस्तीवरील कॅनॉलचे पुलावर छापा टाकण्यात आला. यावेळी पाेलिसांनी २४ हजार २२३ रुपयांची रोख रक्कम, व दोन लाख रुपयांची दुचाकी असा २ लाख २४ हजार २२३ रुपये व मटक्याची पेन,कागदे अशी साधणे जप्त केली. दुसऱ्या छापा पोलिसांनी सणसर गावच्या हद्दीमध्ये ओढ्यालगतच्या ताडीच्या अड्यावर टाकून २१०० रुपयांची ३५ लिटर ताडी जप्त करुन नवनाथ महादेव खरात ( रा.लासुर्णे)याच्यावर गुन्हा दाखल केला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.