बारामती : कोरोनाच्या पार्श्वभूमीवर पोलिसांसह अत्यावश्यक सेवेतील कर्मचाऱ्यांसाठी विविध संघटना व सेवाभावी संस्थांनी मदतीचा हात पुढे केला आहे. येथील श्री जैन श्वेतांबर संघाच्या वतीने 29 मार्चपासून दररोज दोन वेळचे जेवण गरजूंना पुरविले जात आहे.
प्रशासकीय अधिकाऱ्यांच्या सूचनेनुसार संघाचे कार्यकर्ते जागेवर किंवा लोक असतील तेथे जेवण नेऊन पोहोच करीत आहेत. सकाळी 250 पर्यंत तर संध्याकाळी 100 लोकांचे जेवण विनामूल्य पुरविले जात आहे.
दरम्यान, बिल्डर असोसिएशनच्या वतीनेही आजपासून दररोज सकाळी पोलिसांसाठी नाश्ता देण्याचा उपक्रम सुरु करण्यात आला. संजय संघवी, सुनील देशमुख, आदेश वडूजकर, जितेंद्र जाधव, दीपक काटे आदी याप्रसंगी उपस्थित होते.
बिल्डर असोसिएशन लॉकडाऊन संपेपर्यंत दररोज सर्व पोलिसांना सकाळचा नाश्ता त्यांच्या जागेवर नेऊन पोहोच करणार आहे.
मास्क आणि ग्लोव्हजचे वाटप
फेडरल बँकेच्या वतीनेही पोलिसांना मास्क व सॅनेटायझर व ग्लोव्हज यांचे वाटप करण्यात आले. बारामतीतील भिगवण चौकातील उत्तम ऑप्टिक्सच्या वतीने पोलिसांना संरक्षण म्हणून नीलेश महाडीक यांनी गॉगल्सचे वाटप केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.