कोथरूड, ता. ८ : वसुंधरा सेकंडरी स्कूलने माध्यमिक शालांत प्रमाणपत्र परीक्षेत सलग १३ व्या वर्षीही १०० टक्के निकालाची परंपरा कायम ठेवली आहे. इयत्ता १० वीच्या ३६ विद्यार्थ्यांपैकी १७ विद्यार्थी विशेष प्रावीण्यासह प्रथम श्रेणीत, १२ विद्यार्थी प्रथम श्रेणी, तर ७ विद्यार्थी द्वितीय श्रेणीत उत्तीर्ण झाले आहेत. यामध्ये लक्ष्मी विश्‍वकर्मा हिने ९२ टक्के, अनिकेत मराठे याने ९१.४० टक्के, तर श्रुती लवार्डे हिने ९०.६० टक्के गुणांसह अनुक्रमे प्रथम तीन क्रमांक पटकाविले आहेत. संस्थेचे कार्यकारी अध्यक्ष अभय बिरारी, मुख्याध्यापिका स्मिता भांबरे व शिक्षकांनी सर्व विद्यार्थ्यांचे अभिनंदन केले.