कोथरुड(पुणे) : केळेवाडीमधील राऊतवाडी येथे राहणाऱ्या तुकाराम क्षीरसागर यांच्या घराला आग लागून घरातील सर्व चीज वस्तू जळून खाक झाल्या. सुदैवाने जीवीत हानी झाली नाही. क्षिरसागर हे सायकल वरून घरोघरी जाऊन भाजी विकण्याचा व्यवसाय करतात. सकाळी त्यांच्या घरातून अचानक धुर येवू लागला. सतर्क झालेल्या लोकांनी नगरसेवक दिपक मानकर यांच्या कार्यालयात संपर्क केला. दिलीप कानडे यांनी अग्निशमन दल व विद्युत विभागाला सदर घटनेची माहिती दिली. केळेवाडी भागातील रस्ते अरुंद असल्याने अग्निशमन दलाची गाडी येथे पोहचू शकली नाही.

दरम्यान, जवान, पोलिस, दिवा प्रतिष्ठानचे कार्यकर्ते व स्थानिक रहीवाशी पुनाराम चौधरी, राम वाशिवले, धोंडु बोडेकर, सागर पासलकर, विठ्ठल मारणे, सुशिल भोसले, हनुमंत मरगळे, महेश चाकणकर, गणेश चाकणकर, अनिकेत खळदकर, वैभव खोचडे, सुनील वडवेराव, दत्ता गायकवाड, अरुण भिलारे, शाम कोंढरे, भूषण शिर्के आदींच्या प्रयत्नांमुळे आग शमविण्यात यश आले.

- ताज्या बातम्यांसाठी डाऊनलोड करा ई-सकाळचे ऍप

- पुण्याच्या बातम्या वाचण्यासाठी येथे ► क्लिक करा

घरात असलेल्या गिझरमुळे आग लागल्याचा अंदाज आहे. स्थानिक लोकांनी वेळीच आग अटोक्यात प्रयत्न केला नसता तर आग पसरुन मोठी हानी होण्याचा धोका झाला असता.