वाहनांच्या नुकसानप्रकरणी
चारचाकी चालकावर गुन्हा

कास, ता. २७ ः सातारा- मेढा- महाबळेश्वर रस्त्यावर मेढा गावच्या हद्दीत बेदरकारपणे वाहन चालवून दोन वाहनांचे नुकसान केल्याप्रकरणी एकावर मेढा पोलिस ठाण्यात तक्रार दाखल झाली आहे. उत्कर्ष रवींद्र कुंभार (वय २३, रा. कुंभारवाडा, मेढा) यांनी पोलिसांत तक्रार दिली असून, जगन्नाथ प्रल्हाद थोरात (रा. चिलाईदेवी मंदिरानजीक, कालवडे, ता. कऱ्हाड) याच्यावर गुन्हा दाखल झाला आहे.
मेढा पोलिसांनी दिलेली माहिती अशी, २५ फेब्रुवारीला १० वाजण्याच्या सुमारास मेढा गावच्या हद्दीत महाबळेश्वर ते सातारा जाणाऱ्या रस्त्यावर एसटी स्टँडच्या जवळ असणाऱ्या अद्वैत कॅफेसमोर तक्रारदार यांच्या मालकीच्या चारचाकी (एमएच ११ बीएल ४२३१) उभी असताना जगन्नाथ थोरात याने आपल्या ताब्यातील चारचाकी (एमएच ५० ए ६२३६) महाबळेवर ते सातारा अशी चालवत असताना तक्रारदार यांच्या चारचाकीला पाठीमागून जोराची धडक दिली. यामध्ये त्यांच्या चारचाकीपुढे उभ्या असलेल्या दुसऱ्या चारचाकीला (एमएच ११ सीक्यू ९२२९) धडक लागून स्वतः चालक गंभीर जखमी झाला, तर दोन्ही वाहनांचे सुमारे ८० हजार रुपयांचे नुकसान केले. तपास हवालदार यादव व माने करत आहेत.

--------------------------