पुणे : वरिष्ठ पोलिस निरीक्षक देविदास घेवारे यांनी आत्तापर्यंत त्यांच्या पत्नीचा वाढदिवस कधीच चुकवला नाही, अगदी गडचिरोलीला असतानाही. पण यावेळी घर १५ मिनिटे अंतरावर असूनही ते वाढदिवसाच्या शुभेच्छा देण्यास घरी जाऊ शकले नाही, कारण,कोरोनाचा बंदोबस्त आणि त्यामुळे कुटुंबाला त्रास होऊ नये म्हणून. शेवटी त्यांनी व्हिडिओद्वारे "डीवायएसपी" पत्नीला शुभेच्छा देताना क्षणभर त्यांचा कंठ अक्षरशः दाटून आला.मग पत्नीने ही त्यांच्या कार्याला "सॅल्यूट" ठोकत त्यांच्या लढ्याला बळ दिले !

पुण्याच्या इतर बातम्या वाचण्यासाठी येथे ► क्लिक करा
देविदास घेवारे दत्तवाडी पोलिस ठाण्याचे वरिष्ठ पोलिस निरीक्षक म्हणून सध्या कार्यरत आहेत.त्यांच्या हद्दीमध्ये कोरोना रुग्ण आढळल्याने त्यांच्यासह त्यांचे संपूर्ण अधिकारी व कर्मचारी नाकाबंदी ठिकाणे व प्रतिबंधित क्षेत्रात रात्रंदिवस कार्यरत आहेत. रुग्ण संख्या वाढू नये, अन्य नागरिकांना संसर्ग होऊ नये, यासाठी त्यांची टीम काम करीत आहे. 

बातम्या ऐकण्यासाठी डाऊनलोड करा ई-सकाळचे ऍप

घेवारे यांच्यासाठी १८ एप्रिल हा खास दिवस असतो. या दिवशी त्यांच्या पत्नी वर्षा घेवारे यांचा वाढदिवस असतो. वर्षा घेवारे या राज्य गुन्हे अन्वेषण विभागात (सीआयडी) पोलिस उपअधीक्षक या पदावर कार्यरत आहेत.त्यांच्या लग्नापासून आत्तापर्यंतच्या आयुष्यात त्यांनी आपल्या पत्नीचा वाढदिवस कधीच चुकवला नाही. राज्यात कुठेही नियुक्ती असली, तरीही ते १८ एप्रिल हा दिवस खास पत्नीसाठी राखीव ठेवतात.

कोरोनामुक्ती मुंबई-पुण्यासाठी लांबचा पल्ला; राज्यातील ५ जिल्हे कोरोनामुक्त, आणखी १ जिल्हा उंबरठ्यावर

कोरोना विषाणूचा प्रादुर्भाव वाढत असल्याने तसेच दत्तवाडी पोलिस ठाण्याच्या हद्दीत जास्त रुग्ण आढळल्याने मागील एक महिन्यापासून घेवारे यांनी पोलिस ठाण्याच्या हद्दीत ठाण मांडले आहे. आपल्यामुळे कुटुंबाला त्रास  होऊ नये, यासाठी ते घरी जाण्याचे टाळतात.  १८ एप्रिलला त्यांच्या आयुष्याच्या जोडीदाराचा वाढदिवस असतानाही त्यांनी त्यांना घरी जाऊन शुभेच्छ देण्याचा मोह टाळला. पत्नीशी व्हिडिओ द्वारे संपर्क साधत त्यांना शुभेच्छा दिल्या. यावेळी त्यांचा कंठ दाटून आला, त्यानंतर त्यांच्या पत्नीने शुभेच्छांचा स्वीकार करत घेवारे व त्यांच्या टीमला  कोरोना विरुद्धच्या लढाईसाठी बळ दिले.

Corona Virus : कोरोनाग्रस्तांवर उपचारासाठी आयुर्वेद डॉक्टरांची तयारी