पुणे - दुष्काळ आणि आणि प्लेग रोग साथीच्या कालावधीत राजर्षी शाहू महाराजांनी योग्य उपाययोजना करून संकटावर मात केली. शाहू महाराजांच्या कार्याचा हा आदर्श आजच्या आपत्कालीन परिस्थितीत सर्वांसाठी उपयोगी आहे, असे मत संभाजी ब्रिगेडचे राष्ट्रीय समन्यक विकास पासलकर यांनी व्यक्त केले.

राजर्षी शाहू महाराज जयंतीनिमित्त राजर्षी शाहू महाराज सोशल फाउंडेशनच्या वतीने 'राजर्षी शाहू जयंती महोत्सव 2020' कार्यक्रमात ते बोलत होते. महापालिका आयुक्त शेखर गायकवाड, अतिरिक्त जिल्हाधिकारी विजयकुमार देशमुख, धर्मादाय उपायुक्त नवनाथ जगताप, सहाय्यक पोलिस आयुक्त सुषमा चव्हाण, पोलिस निरीक्षक संगीता पाटील आदी या वेळी उपस्थित होते.

पुण्यात मास्क न घालणाऱ्यांवर कारवाई

पासलकर म्हणाले, 'देशात 1896 मध्ये दुष्काळाच्या परिस्थितीत कोल्हापूर संस्थानातही गंभीर दुष्काळ पडला होता. शाहू महाराजांच्या अथक प्रयत्नातून दुष्काळावर मात करण्यात आली. त्यांनी जनतेला वाऱ्यावर सोडले नाही. त्या वेळेस देशात अनेक लोक मृत्युमुखी पडले. परंतु शाहू महाराजांच्या कोल्हापूर संस्थानांमध्ये मनुष्यहानी झाली नाही. हे नियोजन बघून तत्कालीन ब्रिटिश अधिकारीसुद्धा अवाक झाले होते. प्लेग साथीच्या काळात कोल्हापूर संस्थानात बाहेरून आलेल्या लोकांना विलगीकरण कक्षात ठेवले जात होते. संस्थानात सर्वांची काळजी घेतली जात होती. त्या वेळेस प्लेगच्या महामारीतही शाहू महाराजांची दूरदृष्टी आणि उपाययोजनांमुळे जीवित हानी टळली. शाहू महाराजांच्या या कार्याचा आदर्श सर्वांना उपयोगी ठरणार आहे.'

पुण्यातील शास्त्रज्ञांनी शोधली दुर्मिळ आकाशगंगा; कसं आहे तिचं स्वरुप?

अतिरिक्त जिल्हाधिकारी देशमुख म्हणाले राजर्षी शाहू महाराजांमुळे शिक्षण सहकारासह सर्व क्षेत्रात भरीव योगदान देणारी असामान्य माणसे घडली. शिव- फुले-शाहू आणि आंबेडकर यांची विचारधारा महाराष्ट्राने जगाला दिलेली देणगी आहे.
या कार्यक्रमात कोरोना संकटाशी मुकाबला करण्यात महत्त्वपूर्ण योगदान देणारे 'एनआयव्ही'चे संचालक, शास्त्रज्ञ डॉ. शैलेश पवार, नेत्ररोग तज्ज्ञ डॉ. किशोर यादव, अलंकार पोलिस ठाण्यातील वरिष्ठ पोलिस निरीक्षक कल्पना जाधव, कोथरूड येथील वरिष्ठ पोलीस निरीक्षक प्रतिभा जोशी, नर्सिंग सेवेतील सविता निगडे यांना 'राजर्षी शाहू महाराज 2020' पुरस्कारांने सन्मानित करण्यात आले. 

ताज्या बातम्यांसाठी डाऊनलोड करा ई-सकाळचे ऍप   

या प्रसंगी धर्मादाय उपायुक्त नवनाथ जगताप यांच्या हस्ते विद्यार्थ्यांना शिष्यवृत्तीचे वाटप करण्यात आले.कार्यक्रमाचे सूत्रसंचालन कैलास वडघुले यांनी केले. तर, प्रशांत धुमाळ यांनी आभार मानले. मारुती सातपुते, विराज तावरे, मंदार बहिरट यांनी नियोजन केले.

पुण्याच्या बातम्या वाचण्यासाठी येथे ► क्लिक करा