उरुळी देवाची : पीरसाहेब उत्सव कमिटी, ग्रामपंचायत व होळकरवाडीचे ग्रामस्थ यांच्या वतीने गरजू लोकांना रोज जेवणाची सोय करून होळकरवाडी ग्रामस्थांनी सामाजिक बांधिलकी जपली आहे.

गावातील भाडेकरू, हातावर पोट भरणारे कामगार, मोलमजूर, गरीब यांना उत्पन्नाचे कोणतेही साधन नसल्याने त्यांच्यावर उपासमारीची वेळ आली होती. याचा विचार करून उत्सव कमिटीने यात्रेसाठी जमा झालेल्या शिल्लक निधीतून गरजू लोकांना भोजन व्यवस्था करण्याचे ठरविले.

या उपक्रमाला ग्रामपंचायत व ग्रामस्थांनी सहकार्य केल्याने 3 मे पर्यंत रोज दुपारच्या भोजनाची व्यवस्था जिल्हा परिषद शाळेत केली आहे. 

आणखी वाचा- Corona Virus : खडकीत कोरोनामुळे पहिला मृत्यू; काल सापडला होता 'तो' रुग्ण

जेवणाचे कीट घेण्यासाठी येताना सोशल डिस्टन्सिंगचे काटेकोर पालन करून प्रत्येकांनी तोंडाला मास्क लावला पाहिजे अशा सूचना जेवणाचा लाभधारकांना दिल्या जात आहेत. याचा फायदा रोज 250 ते 300 गरजूंना होत असल्याने अनेक गरजू व्यक्तींनी समाधान व्यक्‍त केले. 

इतर बातम्या वाचण्यासाठी येथे- क्लिक करा

गावात कोणीही उपाशी झोपणार नाही याची काळजी ग्रामस्थ घेत असून लॉकडाउन संपेपर्यंत एक वेळच्या भोजनाची व्यवस्था ग्रामस्थांच्या वतीने केली जाणार असल्याची माहिती होळकरवाडीचे माजी तंटामुक्‍ती अध्यक्ष भास्कर झांबरे यांनी दिली.