पिंपरी - हिंजवडी आयटी पार्क परिसरातील गावांमधील नागरिकांनी स्वंयस्फूर्तीने पुढे येत आपला परिसर बंद ठेवला आहे. माण, मारुंजी, नेरे व जांबे या गावांमधील अंतर्गत रस्ते बंद असल्याने परिसरात शुकशुकाट आहे.
गावांमधील नागरिकांनी सुरक्षेची अधिक काळजी घेत आपला परिसर बंद ठेवला आहे. आयटी पार्कमधील कंपन्या बंद असल्याने मुख्य रस्तेही ओस पडले आहेत. भूमकर चौक, वाकड या परिसरातून आयटी पार्कमध्ये येणाऱ्या रस्त्यांवर पोलिसांचा खडा पहारा असून, मुख्य रस्त्यावर नाकाबंदी केली आहे. पोलिसांकडून वाहनांची तपासणी करण्यात येत आहे. या परिसरात अद्याप कोरोनाचा फैलाव झालेला नाही. त्यामुळे परिसरालगत असणाऱ्या गावांमधील नागरिक अधिक सतर्क झाले आहे. त्यादृष्टीने सर्वांकडून योग्य ती खबरदारी घेतली जात आहे.
दरम्यान, विनाकारण फिरणाऱ्यांवर पोलिसांची करडी नजर आहे. त्यांच्यावर कडक कारवाई करण्यात येत आहे. विविध कारणांसाठी पोलिस ठाण्यांमध्ये येणाऱ्या नागरिकांशी संवाद साधताना पोलिस सोशल डिस्टन्सिंग राखत आहेत. याशिवाय पोलिस ठाण्याच्या मुख्यदाराजवळ सॅनिटायझिंग मशिन बसविले आहे.
‘साहेब, गावी जायचंय पास मिळेल का?’
दुपारच्या कडक उन्हात एक व्यक्ती पोलिस ठाण्यामध्ये आला. ‘माझी बायको गर्भवती असून, तिला घेऊन अकोल्याला जायचे आहे. त्यासाठी पास मिळेल का’, अशी विचारणा केली. त्यावर अकोल्याला जाण्यापेक्षा आता घराबाहेर पडण्यात धोका आहे. त्यामुळे सध्या आहात तेथेच सुरक्षित राहण्याचा सल्ला पोलिसांनी दिला.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.