पुणे : "आषाढी एकादशी म्हणजे पांडुरंगाच्या दर्शनाला जाणे आलेच, पुण्यातील मंदिर गजबजून जायची. यंदा मात्र कोरोना मुळे मंदिरांनाच टाळे लागले आहे. शाळा बंद असल्याने बाळगोपाळ पांडूरंग, वारकऱ्यांच्या वेशात शाळेत जाऊ शकले नाहीत. म्हणून काय एकादशीला उत्साह काष कमी झाला नाही. घरातच रामकृष्ण हरी... बोला ‘पुंडलिक वरदे हरी विठ्ठल, श्री ज्ञानदेव तुकाराम, पंढरीनाथ महाराज की जय... विठ्ठल विठ्ठल... असा सहकुटुंब जयघोषात आषाढी एकादशीला उपासना करण्यात आली. 

ताज्या बातम्यांसाठी डाऊनलोड करा ई-सकाळचे ऍप 

पुण्याच्या बातम्या वाचण्यासाठी येथे  क्लिक करा

'कोरोना'मुळे यंदाची आषाढी वारी सोहळा रद्द झाला. संत ज्ञानेश्वर माऊली, संत तुकाराम महाराज यांच्या पादुका मोजक्या वारकर्यांच्या उपस्थितीत पंढरपूरला बसने दाखल झाल्या. लाखो भाविकांची गर्दी पहाणारे पंढरपूर आज मात्र सुनेसुने आहे. याचाच प्रचिती पुण्यात देखील आली. 

बारामतीत कोरोनाची पुन्हा एन्ट्री

पुण्यात विठ्ठलवाडी येथील पांडुरंगाच्या मंदीरात आषाढी एकादशीला पहाटे पासून भाविक दर्शनासाठी रांगा लावतात,सामजिक संस्था, संघटना, राजकीय पक्ष भाविकांचे उत्साहाने स्वागत करतात. मात्र यंदा विठ्ठल मंदिर परिसर भाविकांसाठी बंद करण्यात आला होता. देवळाला आकर्षण लायटिंग तेवढी करण्यात आली होती. शहरातील इतर मंदिरांमध्येही हीच स्थिती होती. 

सावधान, कोरोनाविषयी मॅसेज फाॅरवर्ड करण्यापूर्वी हे वाचा... 

यंदा बाहेर कुठेच जायचे नसल्याने घरोघरी विठ्ठलाचा गजर झाला. देवाची पूजा करून, पांडुरंग, संत ज्ञानेश्वर, संत तुकाराम यांची आरती केली. तसेच घरात काहींनी अभंग गावून देवाचे स्मरण केले. दरवर्षी आषाढी एकादशीला शाळांमध्ये लहान मुल विठ्ठल रुक्मिणी, वारकरी, तुळसवाली, विविध संतांचे पेहराव करून शाळेत जात. हा सोहळा ही उत्साहाने साजरा केला जातो, पण यंदा या बाल वारकर्यांनी घरातच एकादशी साजरी केली. काही शाळांनी मुलांना वारकरी वेषात फोटो काढून शाळेच्या ग्रुपवर पाठवायला लावले, तर काहींनी थेट व्हिडिओ पाठवले. घरात साबुदाणा खिचडी, वडे, पापड, फळे, भगर अशी उपवासाच्या पदार्थांचाही अस्वाद घेतला. 

कोरोना झाला आमदारांना...ग्रामस्थांचा जीव टांगणीला