तळेगाव ढमढेरे, ता. १९ : विठ्ठलवाडी (ता. शिरूर) येथील विविध कार्यकारी सेवा सहकारी संस्थेच्या अध्यक्षपदी वैभव गवारे, तर उपाध्यक्षपदी ॲड. संतोष गवारे यांची बिनविरोध निवड झाली. संस्थेच्या अध्यक्षा मनीषा गवारे आणि उपाध्यक्ष सतीश गवारे यांनी आपल्या पदाचा राजीनामा दिल्याने रिक्त जागेवर निवडणूक घेण्यात आली. अध्यक्षपदासाठी वैभव गवारे आणि उपाध्यक्षपदासाठी ॲड. संतोष गवारे यांचे एकमेव अर्ज आल्याने दोघांची बिनविरोध निवड झाल्याचे निवडणूक अधिकाऱ्यांनी जाहीर केले. निवडणूक निर्णय अधिकारी म्हणून प्रशांत पिसाळ व सचिव सुदेश शीलवंत यांनी कामकाज पाहिले. यावेळी संस्थेचे सर्व संचालक उपस्थित होते. निवडीनंतर नवनिर्वाचित अध्यक्ष वैभव गवारे व उपाध्यक्ष ॲड. संतोष गवारे यांचा संचालक मंडळाच्या वतीने सत्कार करण्यात आला.

09116, 09117