ज्वालामुखी उद्रेक;
महिलेचा मृतदेह बाहेर

जकार्ता : इंडोनेशियाच्या दुर्गम हलमहेरा ज्वालामुखीच्या उद्रेकात अडकलेल्या एका इंडोनेशियन महिलेचा मृतदेह शनिवारी (ता. ९) बचाव पथकांनी बाहेर काढला. दरम्यान, बेपत्ता असलेल्या दोन सिंगापूर नागरिकांचा शोध अजूनही सुरू असल्याची माहिती अधिकाऱ्यांनी दिली. मृत गिर्यारोहकांनी सुरक्षा निर्बंधांकडे दुर्लक्ष करून १,३५५ मीटर उंच ज्वालामुखी चढण्यास सुरुवात केली होती. शुक्रवारी पहाटे डुकोनो ज्वालामुखीचा उद्रेक झाला आणि सुमारे १० किलोमीटर उंच राखेचा प्रचंड ढग हवेत पसरला. त्यामुळे हे गिर्यारोहक अडकून पडले होते.