WDR26A00397
वागदरी (ता. अक्कलकोट) : येथे विकासकामांच्या भूमिपूजनप्रसंगी उपस्थित मान्यवर व ग्रामस्थ.
---
वागदरी येथे विकासकामांचे भूमिपूजन
वागदरी : अक्कलकोट तालुक्यातील वागदरी येथे आमदार सचिन कल्याणशेट्टी त्यांच्या आमदार निधीतून विकासकामांचे भूमिपूजन रेवाप्पा यमाजी व सिद्धप्पा यमाजी यांच्या हस्ते करण्यात आले. अध्यक्षस्थानी सरपंच शिवानंद गोळसगाव होते. वागदरी येथील मुख्य बाजारपेठेत सिमेंट रस्त्याचे काम अपूर्ण राहिले होते. त्यामुळे पावसाळ्यात संपूर्ण बाजारपेठ चिखलमय होत होता. बसवेश्वर मंदिरापासून ते बस स्थानकापर्यंतच्या सिमेंट रस्त्याचे काम पूर्ण झाले होते. परंतु उर्वरित कामासाठी निधी कमी पडल्याने काम रखडले होते. आमदार कल्याणशेट्टी यांच्याकडे उर्वरित कामांसाठी निधी मिळवण्यासाठी पाठपुरावा करून १४ लाखांचा निधी मंजूर करून प्रत्यक्ष कामाला सुरवात केल्याने नागरिकांतून समाधान व्यक्त होत आहे. यावेळी ग्रामविकास अधिकारी राजेंद्र कणमुसे, माजी तंटामुक्त समिती अध्यक्ष शानप्पा मंगाने, माजी पंचायत समिती सदस्य धोंडप्पा यमाजी, माजी सरपंच श्रीकांत भैरामडगी, उपसरपंच पंकज सुतार, जयश्री बटगेरी, शारदा होटे, हनीफ मुल्ला आदींसह ग्रामस्थ उपस्थित होते.