पारगावच्या वाघेश्वरी मंदिरात चोरी
नगर तालुका, ता. १८ ः पारगाव भातोडी येथील वाघेश्वरी मंदिरात अज्ञात चोरट्यांनी देवीच्या मूर्तीवरील सोन्या-चांदीचे दागिने व सीसीटीव्ही यंत्रणेचा डीव्हीआर असा सुमारे १ लाख २२ हजार ५०० रुपयांचा ऐवज लंपास केला. याबाबत प्रदीप अर्जुन शिंदे (वय ४७, रा. पारगाव भातोडी, ता. नगर) यांनी फिर्याद दिली. चोरट्यांनी १६ मे रोजी रात्री साडेनऊ ते १७ मे रोजी पहाटे साडेपाच या दरम्यान मंदिराच्या दरवाजाचे कुलूप तोडून आत प्रवेश केला. त्यानंतर गाभाऱ्यातील देवी मूर्तीवरील चांदीचे दोन मुकुट, चांदीचे त्रिशूल, चांदीचे दोन करांडे, सोन्याचे दागिने तसेच पितळी पादुका असा मौल्यवान ऐवज चोरून नेला.