पुणे - राष्ट्रपती रामनाथ कोविंद हे पुणे दौऱ्यावर असल्याने पुणे महापालिकेने गुरुवारी (ता. २६) शहरातील पाणी पुरवठा सुरू ठेवण्याचा निर्णय घेतला आहे. त्यामुळे या दिवशी पाणी बंद राहणार नाही, असे पाणी पुरवठा विभागाचे प्रमुख अनिरुद्ध पावसकर यांनी सांगितले.

शहरातील पर्वती, लष्कर, एसएनडीटी, होळकर व वारजे पाणी पुरवठा विभागात विद्युत व स्थापत्य विषयत अंतर्गत दुरुस्ती निमित्त गुरुवारी शहरातील पाणी पुरवठा बंद असेल असे जाहीर केले होते.

पण राष्ट्रपती कोवींद हे शुक्रवारी (ता.२७) पुणे दौर्यावर आहेत. महापालिकेकडून एक दिवस पाणीपुरवठा बंद असला तरी त्याचा परिणाम पुढील एक ते दोन दिवस होतो अनेक भागात कमी दाबाने पाणीपुरवठा होतो त्यामुळे पाणीटंचाईला सामोरे जावे लागते ही गैरसोय टाळण्यासाठी पाणी पुरवठा विभागाने गुरुवारी दुरुस्तीच्या कामानिमित्त पाणी बंद न करण्याचा निर्णय घेतला आहे ही कामे नंतर केले जाणार आहेत.

उन्हाळ्यात महापालिकेने पाणी बंदचा निर्णय मागे घेतल्याने नागरिकांना दिलासा मिळाला आहे.