पुणे

आम्हीच ठरवतो टोलचे नियम!

सलील उरुणकर -@salilurunkar

खेड शिवापूर टोल नाक्यावरील कर्मचाऱ्यांची दमदाटी

पुणे - ‘‘आम्हीच ठरवतो टोलचे नियम... तुम्हाला पैसे भरावेच लागतील... तुम्हाला काय करायचे ते करा... पोलिसांना बोलवा, नाहीतर आणखी कोणाला... पण, तुम्हाला येथून सोडणार नाही... क्रेन मागवून उचलून नेऊ तुमची गाडी...’’ अशा उर्मट भाषेत आणि उद्धटपणे खेड शिवापूर टोल नाक्‍यावरील कर्मचारी सामान्य नागरिकांशी बोलत असल्याचा अनुभव आला. टोल नाक्‍याच्या परिसरातील गावांसह कात्रज भागातील नागरिकांना या नाक्‍यावर टोल माफ असतानाही स्थानिक पोलिसांच्या संगनमताने नागरिकांची लूट करत आहेत. 

कोल्हापूरला एका कामाला जाण्याच्या निमित्ताने खेड शिवापूर टोल नाक्‍यावर आलेला हा अनुभव. बुधवारी रात्री साडेदहा ते अकराच्या दरम्यान मोटारीने खेड शिवापूर टोल नाका ओलांडला, त्या वेळी वाहन परवाना दाखविला. त्यावरील पत्त्याची खातरजमा करून संबंधित कर्मचाऱ्याने टोल शुल्क न घेता गाडी सोडली. मात्र, गुरुवारी रात्री पुण्याकडे परत येताना दुसऱ्या कर्मचाऱ्याने स्वतःचाच नियम लागू करून अर्वाच्य भाषा वापरण्यास सुरवात केली. ‘‘आदल्या रात्री झालेली मोटारीची नोंद बघा... यापूर्वीही अनेकदा ही सवलत घेतलेली आहे...’’ अशा विनवण्या करूनही टोलवरील कर्मचारी लक्षही देत नव्हता.

‘‘पैसे देत नाही तोपर्यंत तुमची गाडी सोडणार नाही, कोणाला बोलवायचे ते बोलवा अथवा कोठेही जा,’’ असा दम कर्मचारी देऊ लागला. यानंतर त्याने वरिष्ठ अधिकाऱ्याला तेथे बोलावून घेतले. त्यानंतर तुम्हा सर्वांचे सीसीटीव्ही चित्रीकरण करून, गुन्हा दाखल करतो, अशी धमकी देण्यास सुरवात केली. शिवाय, आम्ही कोणाला घाबरत नाही, असे म्हणून हुज्जत घालायला सुरवात केली. हुज्जतीनंतर प्रकरण पोलिसांपासून अधिकाऱ्यांपर्यंत गेले. पत्रकारांची मोटार असल्याचे समजल्यानंतर पोलिस आणि टोल नाक्‍यावरील कर्मचारी समंजस भूमिका घेऊ लागले.

नगरसेवक वसंत मोरे यांच्याशी संपर्क साधला असता ते म्हणाले, ‘‘स्थानिक नागरिकांना खेड शिवापूर टोल नाक्‍यावर सवलत मिळावी यासाठी आम्ही आंदोलन केले होते, त्यामुळे नागरिकांची अशा प्रकारे अडवणूक होणे चुकीचे आहे.’’

गुटखा खाऊन पोलिसांची ‘ड्यूटी’
पोलिस नियंत्रण कक्षाला घटनेची माहिती दिल्यानंतर नजीकच्या चौकीतून कॉन्स्टेबल अजय शिंदे, हवालदार खांडेकर आणि अन्य कर्मचारी  साध्या कपड्यांमध्ये नाक्‍यावर पोचले. तोंडात गुटखा टाकून ‘ड्यूटी’वर असलेल्या कॉन्स्टेबल शिंदे आणि खांडेकर यांनी टोलवरील कर्मचाऱ्यांचीच तळी उचलून धरली. ‘‘तुम्ही कोण लागून गेला नियम ठरविणारे... पैसे भरा आणि निघा’ अशी भाषा वापरत शिंदे याने मूळ तक्रारीकडेच दुर्लक्ष केले.

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.

Cyclone Aquan Latest Update : बंगालच्या उपसागरात ‘अक्वान’ चक्रीवादळ तीव्र; महाराष्ट्राला धोका आहे का? जाणून घ्या हवामानाचा अंदाज

Pune News: पुण्यात रोज अतिक्रमणांवर हातोडा! ;पुढील दोन महिने कारवाई करण्याचा महापालिका आयुक्तांचा इशारा

Gokul Milk Price Hike : 'गोकुळ', 'वारणा' दूध विक्री दरात सहा रुपये वाढ; उद्यापासून अंमलबजावणी, म्हशीसाठी तीन, गायीसाठी दोन रुपये उत्पादकांना जादा मिळणार

Latest Marathi News Live Update : अक्वान चक्रीवादळाचा धोका वाढला; ओडिशा, आंध्र प्रदेशसह अनेक राज्यांना पावसाचा इशारा, वाऱ्याचा वेग ताशी ११० किलोमीटरपर्यंत जाण्याची शक्यता

वैभव सूर्यवंशीपासून हरमनप्रीत कौरपर्यंत... TIME Magazine च्या प्रतिष्ठित यादीत भारताच्या नऊ खेळाडूंना स्थान

SCROLL FOR NEXT