पुणे : मोसमात दुसऱ्यादा पुणे शहरातील किमान तापमान ८.९ अंश सेल्सिअसवर पोचले असून, पुन्हा एकदा थंडीचा कडाका चांगलाच वाढला आहे. शनिवारी पहाटे जळगाव आणि औरंगाबादनंतर राज्यातील सर्वात जास्त थंडी पुण्यात नोंदविली गेली. २१ नोव्हेंबरला शहरातील किमान तापमान ८.८ अंश सेल्सिअसपर्यंत खाली आले होते. त्यानंतर शनिवारी पुन्हा एकदा कडाक्याची थंडी पडली होती. दिवसभर आकाश अंशतः ढगाळ जरी असले, तरी उत्तर भारतातून येणाऱ्या थंड वाऱ्यांमुळे शहरात पुन्हा एकदा कडाक्याची थंडी वाढत चालली आहे. त्यामुळे दिवसाही थंडी जाणवत होती.
गेल्या दोन दिवसांपासून राज्यातही सर्वत्र थंडीचा कडाका वाढला आहे. विशेषत: विदर्भ आणि उत्तर महाराष्ट्रात थंडीची तीव्रता अधिक आहे. पश्चिम महाराष्ट्रातही गारठा कायम असून, मुंबईसह कोकणातही पारा घसरला आहे. उत्तर भारतात बहुतांश भागांत थंडीची तीव्र लाट पसरली आहे. उत्तरेकडून येणाऱ्या वाऱ्यांच्या प्रभावामुळे राज्यातील थंडीत मोठी वाढ झाली आहे. मंगळवार (ता.१३) पर्यंत आकाश अंशतः ढगाळ राहून दूपारी किंवा संध्याकाळी मेघगर्जनेसह विजांच्या कडकडाटात अति हलक्या ते हलक्या स्वरूपाच्या पावसाची शक्यता हवामान खात्याने वर्तवली आहे.
शहरातील किमान तापमान (अंश सेल्सिअस)
शिवाजीनगर : ८.९
पाषाण : १०.१
लोहगाव : १२.७
चिंचवड : १५.७
लवळे : १७.२
मगरपट्टा : १५.१
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.