बिबवेवाडी : गेली पावणे दोन वर्षे कोरोना महामारीने जगाला वेठीस धरले होते, राज्य सरकारने अनेक खाजगी व सार्वजनिक कार्यक्रमांवर निर्बंध लादले होते त्यामुळे गेली दोन वर्षे लग्नसराईत लॉक डाउन होते बँड वादकानवर उपासमारीची वेळ आली होती, परंतु यंदाच्या दिवाळी नंतर सुरु होणाऱ्या लग्नसराईच्या अगोदर राज्य सरकारने टप्याटप्याने कार्यक्रमावरील निर्बंध उठवले आहेत त्यामुळे बँड पथकांना चांगली मागणी असून अनेक नागरिकांनी आगाऊ बुकींग केले आहे त्यामुळे बँड वादकांमध्ये आनंदी वातावरण असून यावर्षी ची दिवाळी गोड होणार आहे.

शहरातील नाट्यगृहे नुकतीच सुरू करण्यात आली त्यावेळी उपमुख्यमंत्री अजित पवार कार्यक्रमाला उपस्थिती होते त्यावेळी पुणे बँड कला विकास प्रतिष्ठान ( बँड मालक संघ ) चे पदाधिकारी उपस्थित होते त्यांनी पवारां समोर बँड पथकांवरील निर्बंध उठवण्याबाबत मागणी केली त्यावेळी अजित पवार यांनी सांस्कृतिक कार्यक्रम खुले करत आहोत त्यानुसार बँड पथकांवरील निर्बंध कमी करत वादनाला मुभा देण्याचे आदेश प्रशासनाला दिले असून प्रतिष्ठान तर्फे प्रशासनाचे आभार मानण्यात आले यावेळी अध्यक्ष बाळासाहेब आढाव, चेतन ववले, अशोक तुपे, फिरोज खान, सुवन गवळी, हेमंत माने, गौरव वाडेकर, औदुंबर शिंदे, श्रीपाद सोलापूरकर आदी उपस्थित होते.