कोथरूड - पौड रस्त्यावरील जयभवानीनगर येथे दुपारी तीनच्या सुमारास मिक्सर ट्रकच्या धडकेत दुचाकीवरील एक महिला मृत्युमुखी पडली. दवाखान्यात असलेल्या नातेवाईकाला भेटून सुनेबरोबर दुचाकीवरून घरी निघालेल्या रंजना गुलाबराव दाभेकर वय 60, सुतारदरा गल्ली क्रं.10 यांचा अपघातात मृत्यु झाला. त्यांची सुन मुग्धा यांच्या हाताला मार लागला आहे. अपघातामुळे त्यांना जबर मानसिक धक्का बसला. त्यांना नजीकच्या रूग्णालयात दाखल करण्यात आले. मुग्धा या गाडी चालवत होत्या. मागून आलेल्या मिक्सर ट्रकने त्यांच्या दुचाकीला धडक दिली.
प्रत्यक्षदर्शी मंगेश अवघडे म्हणाले की, डम्परने धडक मारल्याने गाडीचा तोल गेला अन चाक डोक्यावरून गेल्याने आजींचा मृत्यु झाला. या घटनेमुळे पौडरस्त्यावर मोठा जमाव जमला होता. काही काळ वाहतूक कोंडी झाली. ड्रायव्हर दारू पिवून वाहन चालवत असल्याचे लक्षात आल्याने जमावाने ड्रायव्हरला मारहाण केली. पोलिसांनी जमाव पांगवत ड्रायव्हरला पुढील तपासासाठी ताब्यात घेतले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.