वडगाव निंबाळकर (पुणे) : आजारी आईला मुंबईहून घेऊन येणे मुलीला महागात पडले आहे. कारण, एक दिवसाच्या मुक्कामातच आई कोरोना पॉझिटिव्ह असल्याचे निष्पन्न झाले आहे. वडगाव निंबाळकर (ता. बारामती) येथे ही रुग्ण सापडली आहे. 

वृत्तवाहिनीविरोधात शेतकऱ्यांनी ठोकला शड्डू

वडगाव निंबाळकर येथील जगताप वस्तीवर मुलीला भेटण्यासाठी संबंधित महिला 15 मे रोजी सायंकाळी 4 वाजता मुंबईहून आली होती. दरम्यान तिला यापूर्वीच ताप येत होता. घशातही खो- खो होत होती. पेशी कमी झाल्याने हवापालट करण्यासाठी मुंबईहून वडगावला त्या आल्या होत्या. मात्र, येथेही त्रास जाणवू लागल्याने त्यांना पुण्याला नेण्यात आले. ससूनमध्ये त्यांची तपासणी केली असता, त्या कोरोना पॉझिटिव्ह असल्याचे समोर आले. 

भोरच्या व्यापाऱ्यांनी मोडला आदेश, तरीही प्रशासन खूष 

त्यामुळे अवघ्या एका दिवसाच्या मुक्कामात किती जणांना कोरोनाचा संसर्ग झाला, याची माहिती काढण्यात स्थानिक प्रशासनाची धांदल उडाली आहे. ही महिला मुंबईस्थित असल्याने तिची नोंद मुंबईच्या की पुणे जिल्ह्याच्या रुग्णसंख्येत धरायची, यावर सोमवारी रात्री उशिरापर्यंत प्रशासनाचा खल सुरू होता. 

पुण्याच्या इतर बातम्या वाचण्यासाठी येथे क्लिक करा   

दरम्यान, या घटनेनंतर वडगाव निंबाळकर व कोऱ्हाळे बुद्रूक येथे पुढील आठ दिवस कडकडीत बंद पाळण्याचा निर्णय ग्रामपंचायत प्रशासनाने घेतला आहे. दवाखाने व मेडिकल वगळता अन्य सर्व व्यवहार पुढील आठ दिवस बंद राहणार आहेत.