मंचर, ता. ७ : महिला व युवतींच्या सर्वांगीण विकासासाठी दोन दशकांहून अधिक काळ कार्यरत असलेल्या ज्ञानशक्ती विकास वाहिनी संस्थेच्या कार्याची दखल घेत राज्य महिला आयोगाच्या वतीने संस्थेच्या मुख्य कार्यकारी अधिकारी गार्गी काळे वळसे पाटील यांना राज्यस्तरीय ‘महिला गौरव पुरस्कार’ देऊन सन्मानित करण्यात आले. जागतिक महिला दिनानिमित्त शनिवारी (ता.७) मुंबई येथे झालेल्या कार्यक्रमात उपमुख्यमंत्री सुनेत्रा पवार यांच्या हस्ते पुरस्कार प्रदान करण्यात आला. प्रमाणपत्र व मानचिन्ह असे या पुरस्काराचे स्वरूप आहे.
राज्य महिला आयोगाच्या अध्यक्षा रूपाली चाकणकर, मुंबईच्या महापौर रितू तावडे, आमदार ॅड. मनीषा कायंदे, राज्य महिला आयोगाच्या सदस्य सचिव नंदिनी आवडे, लक्ष्मण मानकर, पुणे जिल्हा महिला व बाल विकास अधिकारी रोहिणी ढवळे, रोहिणी पडवळ, प्रियांका गजमल उपस्थित होते.
ज्ञानशक्ती संस्था गेली २० वर्षे महिला व युवतींच्या सक्षमीकरणासाठी विविध उपक्रम राबवत आहे. संस्थेच्या पुढाकारातून मुलींचे समुपदेशन करण्यासाठी पुणे शहर पोलिस आयुक्तालय तसेच नारायणगाव व यवत पोलीस ठाण्यात ‘बालस्नेही पोलीस कक्ष’ उभारण्यात आले आहेत. महिलांना रोजगाराच्या संधी उपलब्ध करून दिल्या.