शिनोली (जि. पुणे) : यशवर्धिनी ग्रामीण महिला स्वयंसिद्ध संघ आंबेगावच्या वतीने परिसरात सर्वांचे आरोग्य चांगले रहावे म्हणून "माझी पोषण परसबाग" ही विशेष मोहीम संघामार्फत आंबेगाव तालुक्यात राबविण्यास सुरवात झाली आहे, अशी माहिती संघाचे व्यवस्थापक कुमार घोलप यांनी दिली. यशवर्धिनी ग्रामीण महिला स्वयंसिद्ध संघ महिला सबलीकरण व सक्षमीकरणाचे काम गेल्या २० वर्षांपासून करीत आहे. त्याचाच एक भाग म्हणून विशेषतः लहान मुले, किशोरवयीन मुली, गर्भवती महिला, स्तनदा माता यांचे आरोग्य चांगले रहावे तसेच त्यांच्या आहारात विविध प्रकारचा "विषमुक्त भाजीपाला" आला तर आरोग्यावर होणार खर्च कमी करून अर्थिक बचत व्हावी. तसेच लहान मुलांचे कुपोषण दूर व्हावे.

पुणे : कोरोना काळात आरोग्य विभागाचे कार्यालयच बंद; कारण...

थोडा फार भाजीपाला विकून कुटुंबाला आर्थिक हातभार लागावा, तसेच रोज आपल्या कुटुंबात खाण्यासाठी ताजा भाजीपाला मिळावा. या विविध उद्देशाने "माझी पोषण परसबाग" ही विशेष मोहीम संघामार्फत आंबेगाव तालुक्यातील महिला बचत गटातील महिलांसोबत राबविली जात आहे. यासाठी संघामार्फत मोफत मार्गदर्शन व बियाणे दिले जाणार आहे. २००० महिलांनी परसबाग करण्याचे संघाचे उद्दिष्ट आहे. कोरोना या आजाराच्या महामारीमुळे बाजारात भाजीपाला मिळत नाही किंवा तो जास्त बाजारभावाने मिळतो त्यामुळे लोक भीतीने देखील घेण्यास टाळाटाळ करत आहेत. म्हणून आपल्याच घराच्या जवळपास भाजीपाला तयार व्हावा यासाठी संघाचे कार्यकर्ते कल्पना एरंडे, सुहास वाघ, हरिभाऊ गेंगजे, सीमा कानडे व शिवाजी शेटे परिश्रम घेत आहेत.

ताज्या बातम्यांसाठी डाऊनलोड करा ई-सकाळचे ऍप   

पुण्याच्या बातम्या वाचण्यासाठी येथे ► क्लिक करा

पोषणबाग फुलविताना कोणत्याही केमिकलयुक्त औषधांचा वापर न करता पारंपरिक खते व औषधे म्हणजेच जीवामृत, घनामृत, दशपर्णी अर्क, निम अर्क, गांढूळ खत याचा आधार घेतला जाणार आहे. व लोकांच्या आहारात विषमुक्त भाजीपाला वाढविण्याचा या महिमेतून प्रयत्न केला जाणार आहे. यासाठी मार्गदर्शन व बियाणे साठी जास्तीत जास्त संपर्क करण्याचे आवाहन कुमार घोलप यांनी केले आहे.