बारामती (पुणे) : शहरातील इंदापूर रस्त्यावरील पदपथाने अडचण होते, अशा तक्रारीनंतर आता सार्वजनिक बांधकाम विभागाने हा पदपथ आज जेसीबी लावून तोडून टाकला. त्यामुळे रस्त्यावर लागणारी वाहने आता पार्किंग क्षेत्रात लागली जातील व रस्ता वाहतुकीला खुला होईल.
बारामतीत गेल्या अनेक दिवसांपासून इंदापूर ते गुनवडी चौकादरम्यान पदपथामुळे दुचाकी वाहने रस्त्यावर लावायची वेळ नागरिकांना येत होती. पार्किंगच्या जागेत अतिक्रमण असल्याने लोकांना नाईलाजाने वाहने रस्त्यावर लावावी लागत होती. आता पदपथ काढून टाकल्याने वाहने पार्किंगच्या जागेत नेणे शक्य होणार आहे. त्यामुळे रस्त्यावरचे दुचाकींचे पार्किंगही बंद होईल, अशी अपेक्षा आहे.
बारामती शहरातीस इंदापूर रस्ता सार्वजनिक बांधकाम विभागाकडे आहे. या रस्त्यावरील पदपथ काढून तेथे डांबरीकरण केले जाणार असल्याची माहिती अभियंता विश्वास ओहोळ यांनी दिली. त्यामुळे या रस्त्यावरील वाहतुकीची कोंडी कमी होण्यास मदत होईल. दरम्यान, गणेश मार्केटवर प्रशस्त पार्किंग आहे, मात्र ते अडचणीचे आहे. त्यामुळे तेथे वाहने पार्क करण्यास कोणी तयार होत नाही, अशी स्थिती आहे.
मिलिंद संगई
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.