Labour
Labour 
पुणे

सुरक्षितता सोडा, पैसेही बुडवतात (व्हिडिओ)

सकाळ वृत्तसेवा

पुणे - बांधकाम मजुरांचा जीव जात असताना त्यांच्या सुरक्षिततेकडे बिल्डर, ठेकेदाराचे दुर्लक्ष होत असल्याचे समोर आले आहे. दिवसभर काम करून घेऊन या कामगारांना त्यांच्या हक्काच्या मजुरीपासूनही वंचित ठेवले जाते आहे. ठेकेदार ठरल्याप्रमाणे पैसे देत नाहीत, कधी कधी तर संपूर्ण मजुरी बुडवत असल्याने या कामगारांच्या शोषणाचा प्रश्‍न गंभीर झाला आहे.

कोंढव्यात अल्कॉन स्टायलस या सोसायटीची सीमाभिंत कोसळून १५ कामगारांचा नुकताच मृत्यू झाला. त्यानंतर आंबेगाव येथे सहा कामगारांना जीव गमवावा लागला. या पार्श्‍वभूमीवर कोंढव्यातील गोकूळनगर येथील मजूर अड्ड्यावरील कामगारांशी संवाद साधला असता, बिल्डर व ठेकदारांकडून होणाऱ्या अन्यायाबाबत त्यांनी वाचा फोडली.

लातूरचे अविनाश गायकवाड म्हणाले, ‘‘बिल्डर, ठेकेदारांकडून साइटवर काम करताना आमच्या सुरक्षिततेसाठी उपाययोजना केली जात नाही. तसेच आमचा अपघात विमा नाही. त्यामुळे कामगारांचे बरे वाईट झाले, तर आम्हाला काहीच मदत होत नाही. मजूर अड्ड्यावरून ठेकेदार आम्हाला कामाला घेऊन जातो. दिवसभर काम केल्यानंतर संध्याकाळी पैसे देतो. अनेकदा ठरलेल्या मजुरीपेक्षा कमी पैसे देऊन आमची फसवणूक केली जाते.’’ 

उत्तर प्रदेशातून मजुरीसाठी पुण्यात आलेल्या सुनीता निशाद म्हणाल्या, ‘‘कामाच्या शोधात आमचा सर्व परिवार पुण्यात आला आहे. कधी काम मिळते, कधी मिळत नाही.’’ मजूर अड्ड्यावरील इतर महिलांनीही ठेकेदार आमचे पैसे बुडवतात, अशी तक्रार केली. दिवसाला बिगारी कामाला ४००, तर मिस्त्रीला ६०० रुपये मिळतात. 

दलाल कामाला घेऊन गेल्यानंतर तो संध्याकाळी फोन बंद करून साइटवरून निघून जातो. तो कुठे राहतो हे आम्हाला माहीत नसते, त्यामुळे ते पैसेही बुडतात. काही जण मजुरी ४०० रुपये सांगतात, पण देताना कमी पैसे देतात. रोज काम मिळेल याचा भरवसा नसताना आमची बिल्डर, ठेकेदारांकडून अशी फसवणूक होत असल्याचे या महिलांनी सांगितले.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

IPL 2024: आजपर्यंत आयपीएलच नाही, तर T20 च्या इतिहासात जे कोणालाच जमलं नव्हतं, ते KKR ने लखनौमध्ये करून दाखवलं

CISCE Result : ‘सीआयएससीई’च्या दहावी-बारावीचा निकाल उद्या होणार जाहीर; 'येथे' बघा रिझल्ट

IPL 2024 LSG vs KKR Live Score: रसेलने स्टॉयनिस पाठोपाठ पूरनलाही धाडलं माघारी; लखनौचा निम्मा संघ गारद

Lok Sabha Election : 'PM मोदी हे कायमच आरक्षणाच्या विरोधात, आताही त्यांना...'; राहुल गांधीची घणाघाती टीका

Sharad Pawar : तब्येतीच्या कारणामुळे शरद पवारांचे उद्याचे सर्व कार्यक्रम रद्द

SCROLL FOR NEXT