NZR26A00435
चोपडी (ता. सांगोला) : येथे झालेल्या कुस्ती स्पर्धेतील एक क्षण.
---
चोपडीत रंगला कुस्त्यांचा फड
नाझरे : सांगोला तालुक्यातील चोपडी येथे पठाण साहेब बाबा दर्गा उरुसानिमित्त आयोजित कुस्ती फडाला उत्स्फूर्त प्रतिसाद मिळाला. गेल्या पंधरा वर्षांपासून परिसरातील पैलवानांना प्रोत्साहन देण्यासाठी या स्पर्धा भरवल्या जात असून, शंभर ते पाच हजार रुपयांपर्यंतच्या कुस्त्या रंगल्या. लहान मुलांच्या कुस्त्यांनी विशेष रंगत आणली. बुधेहाळ, नाझरे, निमगाव, जुनोनी, कारंडेवाडी व तिप्पेहाळी येथील तालमीतील पैलवान सहभागी झाले होते. स्पर्धेचे उद्‌घाटन विविध कार्यकारी सोसायटीचे चेअरमन भिकाजी बाबर यांच्या हस्ते झाले. समालोचन सुनील बाबर यांनी केले.