पुणे : ''कर्जाचा हप्ता थकल्याने ग्राहकास वसुली पथकातील महिलांकडून अर्वाच्य भाषेत शिवीगाळ करून बघून घेण्याची धमकी दिल्याप्रकरणी मुथुट फायनान्स कंपनीसह 17 जणांविरोधात मुंबई उच्च न्यायालयात रिट याचिका दाखल करण्यात आली आहे.

पुणे विद्यापीठात किरकोळ कारणावरुन मारहाण; किचेनच्या छोट्या चाकूने केेले वार 

प्रतिदावादींवर गुन्हा दाखल करावा, तक्रारदार आणि त्यांच्या कुटुंबीयांना पोलिस संरक्षण पुरवावे, मानसिक त्रासापोटी पाच लाख रुपये नुकसान भरपाई द्यावी, अशी मागणी याचिकेद्वारे करण्यात आली आहे. याप्रकरणी प्रभाकर कुतवळ यांनी मुथुट फायनान्स कंपनीतील संबंधित महिलांविरुद्ध दत्तवाडी पोलिसांकडे तक्रार दिली होती. त्यानुसार अदखलपात्र गुन्ह्याची नोंद करण्यात आली आहे.

पिंपरीत किरकोळ कारणावरुन तरुणाला लोखंडी रॉडने मारहाण

कुतवळ यांनी वाकडेवाडी येथील मुथुट फायनान्स कंपनीतून दोन वर्षांपूर्वी 14 लाख रुपये कर्ज घेतले आहे. आतापर्यंत ते नियमितपणे कर्जाचे हप्ते वेळेवर भरत होते. मात्र त्यांचा सप्टेंबर महिन्याचा त्यांचा हप्ता थकला होता. त्यामुळे फायनान्स कंपनीतून फोन करून तेथील महिलांनी वाईट शिवीगाळ केली व तुझ्याकडे बघूनच घेतो, अशी धमकी त्यांना दिली. हप्ता का भरला नाही अशी महिलेने विचारणा केल्यावर माझा चेक मिळाला नाही, सोमवारपर्यंत चेक मिळाला की हप्ता भरतो, असे कुतवळ म्हणाले. त्यावर कंपनीतून बोलणाऱ्या महिलेने अर्वाच्य भाषेत बोलायला सुरवात केली. 

बोरघाट जानेवारीपर्यंत सुरक्षित; दुरुस्ती वेगात