पुणे - महाराष्ट्राचे लाडके व्यक्तिमत्त्व पु. ल. देशपांडे यांचा 8 नोव्हेंबर हा जन्मदिवस. त्यानिमित्त दरवर्षी पुलोत्सव या कार्यक्रमाचे आयोजन केले जाते. परंतु, कोरोनामुळे यंदाचा पुलोत्सव रद्द केला असून, तो पुढीलवर्षी 15 शहरांमध्ये आयोजित केला जाणार आहे. 

ताज्या बातम्यांसाठी डाऊनलोड करा ई-सकाळचे ऍप

पु. ल. देशपांडे यांची यंदा 101 वी जयंती आहे. आशय सांस्कृतिक व फिल्म क्‍लबतर्फे अनेक वर्षांपासून याच दिवशी पुलोत्सवास सुरूवात होते. चित्रपट, नाटक, संगीत, साहित्य व अन्य कलांचा जलसा म्हणजे पुलोत्सव. पुलंच्या नावाचे सन्मान, तरुण कलाकारांचे आशास्थान, नवनवीन कल्पनांचे व्यासपीठ म्हणून या महोत्सवाचा लौकिक आहे. 

पुण्याच्या बातम्या वाचण्यासाठी येथे ► क्लिक करा

कोरोनाच्या संकटामुळे यंदाचा पुलोत्सव ऑनलाइन करावा, अशी कल्पना पुढे आली होती. परंतु, सादरीकरणाचा आस्वाद प्रत्यक्ष रंगमंदिरात घेण्यास रसिक अधिक उत्सुक असतात, यावर एकमत झाल्यामुळे यंदाचा पुलोत्सव आम्ही रद्द करीत आहोत. आता हा महोत्सव पुण्यात आणि 15 शहरांमध्ये 12 जून ते 8 नोव्हेंबर 2021 दरम्यान होणार आहे, असे संयोजक सतीश जकातदार आणि वीरेंद्र चित्राव यांनी कळविले आहे. 

देशभरातील इतर बातम्या वाचण्यासाठी येथे क्लिक करा