पुणे : येरवडा येथे एका सराईत गुन्हेगाराला पकडण्यासाठी गेलेल्या पोलिसांच्या पथकावर जमावाने हल्ला केला. त्यानंतर पोलिसांना स्वत:च्या संरक्षणासाठी हवेत गोळीबार केल्यानंतर जमाव पांगला. ही घटना येरवडा गुरुवारी रात्री साडे साडेनऊ वाजता येरवडा येथील कोतेवस्ती येथे सुमारास घडली. (Pune Crime News)

येरवडा येथील कोते वस्तीमध्ये धर्मसमभाव नावाची म्हाडा वसाहत आहे. स्थानिक रहिवाशांना तेथील शक्‍ती सिंह नावाचा सराईत गुन्हेगार व त्याचे साथीदार त्रास देत होते. याप्रकरणी नागरिकांनी येरवडा पोलिस ठाण्यात तक्रार दिली होती. त्यानुसार, येरवडा पोलिसांचे एक पथक गुरुवारी रात्री शक्‍ती सिंह यास पकडण्यासाठी गेले होते.

त्यावेळी सिंह याने समाजातील नागरिकांना पोलिसांविरुद्ध भडकावले. सिंह याचे ऐकून समाजातील नागरिकांनी थेट पोलिसांवरच हल्ला चढविला. त्यामध्ये एका पोलिस अधिकाऱ्यासह पोलिस कर्मचारी देखील जखमी झाले. या घटनेनंतर पोलिसांनी स्वत:च्या संरक्षणार्थ पिस्तुलातून हवेत गोळीबार केला. त्यानंतर नागरिकांचा जमाव पांगला, अखेर पोलिसांनी शक्‍ती सिंह यास अटक केली.