Pune News: पुण्याच्या येरवडा तुरुंगामध्ये पुन्हा धक्कादायक घटना घडली आहे. मिळालेल्या माहितीनुसार, येरवडा तुरुंगात पुर्ववैमनस्यातून एका आरोपीची हत्या करण्यात आली आहे. हा आरोपी सराईत गुंड असल्याचं कळतंय. तिघांनी त्याची तीक्ष्ण हत्याराने हत्या केली आहे. त्यामुळे एकच खळबळ उडाली आहे.

माहितीनुसार, सकाळी तीनच्या सुमारात ही घटना घडली. सराईत आरोपीचे नाव सुधीर गवस असं असल्याचं कळत आहे. सुधीर गवत आणि तुरुंगातील अन्य तीन आरोपींचे भांडण होते. याच रागातून तिघांनी त्याला संपवलं आहे. याप्रकरणी अधिक तपास सुरू आहे. मात्र, येरवडा तुरुंगात हत्या होण्याची ही पहिली घटना नाही. याआधी देखील आरोपींच्या हत्या करण्यात आल्याचं समोर आलेलं आहे.