पुणे : येरवडा मध्यवर्ती कारागृहात नव्याने दाखल होणारे कैद्यांना तात्पुरते क्वारंटाइन करणे आवश्यक आहे. त्यासाठी येरवड्यातील प्रेस कॉलनी समोरील मागासवर्गीय मुलींच्या वसतिगृहात तात्पुरते कारागृह घोषित करण्यात आले आहे.

'आरोग्य सेतू'ची 'ती' लिंक आली असेल तर सावधान...

या इमारतीत नव्याने दाखल होणाऱ्या कैद्यांना क्वारंटाइन करण्यात येणार आहे.
कोरोना विषाणूंच्या संसर्गजन्य आजारामुळे आपत्कालीन परिस्थिती निर्माण झाली आहे. या विषाणुमुळे उद्भवलेल्या संसर्ग रोगाच्या नियंत्रणास्तव राज्यात संचारबंदीचे आदेश आहेत. त्यानुसार अतिरिक्त पोलिस महासंचालक व महानिरीक्षक (कारागृह व सुधारसेवा) सुनील रामानंद यांनी तात्पुरते कारागृह सुरू करण्याबाबत जिल्हाधिकारी नवल किशोर राम यांना पत्र लिहिले होते. त्यानुसार जिल्हाधिकारी राम यांनी हे आदेश दिले आहेत.

पुण्याच्या बातम्या वाचण्यासाठी येथे ► क्लिक करा 

तात्पुरत्या कारागृहाच्या ठिकाणी 24 तास पोलिस बंदोबस्त देण्यात यावा. तसेच, दैनंदिन कामकाजासाठी एक तुरुंगाधिकारी, लिपीक यांची नियुक्ती करण्याचे आदेश जिल्हाधिकारी राम यांनी दिले आहेत.