पुणे: शहरातील खुनाचे सत्र थांबण्याची चिन्हे नाहीत. रविवारी मध्यरात्री पर्वती येथील शाहु वसाहतीमध्ये पूर्वीच्या भांडणाच्या कारणातुन एका तरुणावर पिस्तुलातून गोळ्या झाडून व कोयत्याने वार करुन खून केल्याचा धक्कादायक प्रकार घडला.याप्रकरणी तिघांविरुद्ध दत्तवाडी पोलिस ठाण्यात गुन्हा दाखल करण्यात आला आहे. 

ताज्या बातम्यांसाठी डाऊनलोड करा ई-सकाळचे ऍप 

अमित मिलिंद सरोदे (वय 21,रा.गल्ली क्रमांक 25,जनता वसाहत, पर्वती) असे खून झालेल्या तरुणाचे नाव आहे. याप्रकरणी आदर्श ननावरे, बोंबल्या व यशवंत कांबळे (तिघेही रा. जनता वसाहत) अशी गुन्हा दाखल झालेल्याची नावे आहेत. याप्रकरणी सौरभ महेश मोहोळ ( वय 21,रा. जनता वसाहत) याने फिर्याद दाखल केली आहे.

पुण्याच्या बातम्या वाचण्यासाठी येथे ► क्लिक करा

पोलिसांनी दिलेल्या माहितीनुसार, फिर्यादी व त्याचा मित्र अमित सरोदे हा जनता वसाहतीमधील शाहु वसाहतीसमोरील बालाजी होलसेलर या दुकानासमोर रात्री पावणे अकरा वाजता गप्पा मारत थांबले होते. त्यावेळी आदर्श ननावरे व बोंबल्या दुचाकीवरुन तेथे आले. आदर्शने त्याच्याकडील पिस्तुलातून अमितवर गोळ्या झाडल्या. त्यानंतर बोंबल्या व आदर्शने त्याच्याकडील कोयत्याने अमितवर वार केले. या हल्ल्यात अमित गंभीर जखमी झाल्याने त्याचा मृत्यु झाला.

पुणेकरांनो, नियमांचे उल्लंघन केल्यास कडक कारवाई होणार 
 

Edited by : Sharayu Kakade