पुणे - व्याजाने घेतलेले पैसे देऊनही पुन्हा पैशांची मागणी करत दोघांनी तरुणास बेदम मारहाण केली. धनकवडी परिसरात ही घटना घडली. याप्रकरणी एका महिलेस पोलिसांनी अटक केली.
याप्रकरणी 36 वर्षीय महिलेने सहकारनगर पोलिस ठाण्यात फिर्याद दिली आहे. त्यावरून पोलिसांनी सविता गायकवाड (वय 39, रा. माळवाडी, हडपसर) हीस अटक केली आहे. महिलेचे साथीदार समीर खेडेकर व सागर बडदे यांच्याविरुद्ध गुन्हा दाखल केला आहे. पोलिसांनी दिलेल्या माहितीनुसार, हडपसरमधील माळवाडी परिसरात गायकवाड बेकायदा सावकारी करते. फिर्यादीने तिच्याकडून काही दिवसांपूर्वी व्याजाने पैसे घेतले होते. या पैशांची त्यांनी परतफेडही केली. तरीही गायकवाडकडून पैशांची मागणी केली जात होती.
दरम्यान, गायकवाड हिने खेडेकर व बडदे यांच्यासमवेत सोमवारी रात्री फिर्यादी यांच्या घरी जाऊन पैशांची मागणी केली. पैसे न दिल्यास फिर्यादीच्या मुलास जिवे मारण्याची धमकी दिली. खेडेकर व बडदे यांनी मुलाला मोहननगर भागातील एका मैदानावर नेऊन, त्यास चामडी पट्ट्याने जबर मारहाण केली, असे फिर्यादित म्हटले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.