पिरंगूट : मुळशी तालुक्यातील तैलबैला गडावर आरोहण करताना रोप तुटल्याने २०० फूट खाली कोसळून तरुणाचा दुर्दैवी मृत्यू झाला आहे. सोमनाथ बळीराम शिंदे ( वय २५ , रा.कात्रज , पुणे . मूळ गाव शिंदफळ , ता . तुळजापूर , जी. उस्मानाबाद. ) असे मृत्यू झालेल्या तरुणाचे नाव आहे. आज सकाळी साडे नऊ वाजण्याच्या सुमारास ही घटना घडली आहे. पौड पोलिसांनी दिलेल्या माहितीनुसार , मयत सोमनाथ हा काल त्याच्या नऊ तरुणांसह टेलबैल गडावर आरोहनसाठी गेले होते.
आज सकाळी सोमनाथ हा गडावर पुढे जाऊन रोप , दोर बांधण्याचे काम करीत होता. त्याच्या पाठीमागून दोराच्या साह्याने उर्वरित तरुण गडावर चढाई करणार होते. आज सकाळी साडे नऊ वाजता दोर तुटल्याने सोमनाथ खाली १०० फूट कोसळला त्यानंतर तेथून पुन्हा १०० फूट आणखी खाली कोसळला. त्यामुळे २०० फूट खाली कोसळल्याने त्याचा जागीच मृत्यू झाला. सोमनाथ हा गरुडझेप मोहिमेतील सदस्य होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.