चंडीगड : मुख्यमंत्रिपदाचा चेहरा निवडण्यासाठी आपने घेतलेल्या सर्वेक्षणावर प्रश्नचिन्ह उपस्थित केल्याबद्दल काँग्रेसचे प्रदेशाध्यक्ष नवज्योतसिंग सिद्धू यांच्यावर भगवंत मान यांनी टीका केली. आपच्या अंतर्गत बाबींत ढवळाढवळ करू नये, असेही मान यांनी सुनावले. (Punjab Assembly Election Updates)

‘आप’ने घेतलेल्या सर्वेक्षणात मान यांना पसंती मिळाली. आपच्या सर्वेक्षणाला २१ लाख ५९ हजार मते मिळाल्याचा दावा आपचे राष्ट्रीय समन्वयक अरविंद केजरीवाल यांनी केला होता. त्यात मान यांना ९३.३ टक्के मते मिळाली. हे सर्वेक्षण म्हणजे गैरव्यवहार आणि फसवणुकीची योजना असल्याची टिप्पणी करून सिद्धू म्हणाले होते की, ही आकडेवारी गणितानुसार मोजल्यास त्यात काहीच अर्थ नसल्याचे स्पष्ट होते.

सिद्धू यांना मंत्रिमंडळात पुन्हा घ्यावे असा संदेश पाकिस्तानमधून मिळाल्याचा दावा अमरिंदर यांनी केला आहे. असे होते तर मग त्यांनी ही बाब इतका दीर्घ काळ का लपविली?

- भगवंत मान, आपचे नेते