नवी दिल्ली ः उत्तराखंड परवाना प्राधिकरणाने एप्रिलमध्ये आमच्या ज्या १४ उत्पादनांचे परवाने रद्द केले होते त्यांची विक्री देखील थांबविण्यात आली असल्याची माहिती पतंजली आयुर्वेद लि. आज सर्वोच्च न्यायालयामध्ये दिली.

देशभरातील ५ हजार ६०६ फ्रँचायझी स्टोअरना संबंधित उत्पादने काढून टाकण्याचे निर्देश दिले आहेत असे कंपनीने न्या. हिमा कोहली आणि न्या. संदीप मेहता यांच्या पीठाला सांगितले. याशिवाय विविध माध्यमांना देखील त्या १४ उत्पादनांच्या जाहिराती रद्द करण्याच्या सूचना दिल्या असल्याचे न्यायालयाने म्हटले आहे. तत्पूर्वी न्यायालयाने पतंजली आयुर्वेदकडूनच त्या १४ उत्पादनांशी संबंधित जाहिरातींबाबतचा तपशील मागविला होता. आता या प्रकरणाची पुढील सुनावणी ही ३० जुलै रोजी होईल.