मुंबई: मुंबईतील सर्वात मोठी वीज वितरक असलेल्या अदाणी इलेक्ट्रिसिटीने केंद्रीय ऊर्जा मंत्रालयाच्या २०२३च्या ग्राहक सेवा मानांकनात पुन्हा एकदा ‘अ’ मानांकन मिळवले आहे. भारतातील ६२ वितरकांंमध्ये त्यांना हे पहिले स्थान मिळाले आहे. 

अहवालातील प्रमुख निष्कर्ष - अदाणीच्या ३१.५० लाख ग्राहकांच्या घरी कायम वीजपुरवठा सुरु असतो. वीजपुरवठा खंडित होण्याचे प्रमाण इतरांच्या तुलनेत लक्षणीयरीत्या कमी आहे. यात देशाची सरासरी २००.१५ असताना कंपनीचा निर्देशांक फक्त ०.२० आहे.  १०० टक्के अर्ज ऑनलाइन प्रक्रिया करून कंपनीची नवीन वीज जोडणी प्रक्रिया केली जाते.

या क्षेत्रातील राष्ट्रीय सरासरी ८२ टक्के आहे. पारदर्शकतेसाठी १०० टक्के देयके वास्तविक मीटर रीडिंगवर आधारित असतात, हे देखील राष्ट्रीय सरासरीपेक्षा जास्त आहे. 

ग्राहकांना सातत्याने विविध प्रकारची माहिती दिली जाते. ९४ टक्के ग्राहकांना बिलिंग अलर्ट मिळतो. जवळपास ८० टक्के ग्राहक डिजिटल पद्धतीने देयके भरतात. कॉल सेंटर तक्रारींसाठी ठरविलेल्या वेळेपेक्षा ८९ टक्के कमी वेळ घेऊन समस्यांचे त्वरित निराकरण केले जाते. 

या अहवालात अदाणी इलेक्ट्रिसिटीची औद्योगिक क्षेत्रातील सर्वोत्तम कार्यप्रणाली व तांत्रिक कौशल्य दिसते. हे यश म्हणजे अदाणी इलेक्ट्रिसिटीच्या स्पर्धात्मक दरांमधील विश्वासार्हता, शाश्वत आणि ग्राहक-केंद्रित वीज सेवा यांना  मिळालेली पावती आहे, अशी प्रतिक्रिया अदाणी इलेक्ट्रिसिटीच्या प्रवक्त्याने व्यक्त केली.