Ashneer Grover: BharatPe चे सह-संस्थापक अशनीर ग्रोवरने नवीन क्रिकेट फॅन्टसी स्पोर्ट्स अॅप (Cricket Fantasy App) सादर केले आहे. इंडियन प्रिमियम लीग (IPL) आठवडाभरात सुरू होणार असताना ग्रोवरने हे अॅप सादर केले आहे. ग्रोव्हरने आपल्या ट्विटर हँडलवरून ही माहिती दिली आहे.

गुरुवार, 23 मार्च रोजी एका ट्विटद्वारे याबद्दल माहिती देताना सांगितले की, Google Play Store आणि Apple Store वरून डाउनलोड करण्यासाठी लिंक देखील शेअर केल्या आहेत. अशनीर ग्रोव्हर आता फॅन्टसी अॅपमध्ये गुंतवणूक करून अधिक पैसे कमवण्याच्या तयारीत आहे.

अशनीर ग्रोवरने CrickPe केले लाँच :

अशनीर ग्रोवरने कॅप्शनमध्ये लिहिले की, आयपीएलपासूनच क्रिकेटमध्ये मोठी क्रांती झाली आहे. CricketPe लाँच केले आहे. गुगल प्ले स्टोअरमध्ये या अॅप्लिकेशनची सविस्तर माहिती दिली आहे.

ट्विट करून त्याने लिहिले की, हे भारतातील सर्वात अनोखे आणि शक्तिशाली फॅन्टसी क्रिकेट गेमिंग अॅप आहे, जिथे क्रिकेट दररोज जिंकते! हे जगातील एकमेव क्रिकेट अॅप आहे जिथे वास्तविक खेळणारे वापरकर्ते, संघ मालक प्रत्येक सामन्यात बक्षिसे जिंकतात.

या क्षेत्रात आधीच अनेक कंपन्यांचे वर्चस्व आहे. यात ड्रीम 11, माय सर्कल 11 सारख्या अनेक कंपन्यांचा समावेश आहे आणि लाखो वापरकर्ते जोडले आहेत. अशा परिस्थितीत अशनीर   ग्रोवरसाठी हा मार्ग सोपा नसेल.