Fibe Axis Bank Numberless Credit Card: अ‍ॅक्सिस बँक आता बाजारात नंबरलेस क्रेडिट कार्ड लॉन्च करणार आहे. भारतातील पहिले नंबरलेस क्रेडिट कार्ड लॉन्च करण्यासाठी बँकेने fintech Fibe यांच्याशी करार केला आहे. हे कार्ड सुरक्षिततेच्या दृष्टीने खूप महत्त्वाचे आहे.
नंबरलेस क्रेडिट कार्डमध्ये ग्राहकांच्या कार्डवर कोणताही नंबर असणार नाही, त्याची कोणतीही एक्सपायरी तारीख नसेल किंवा कार्डवर कोणताही CVV नंबर नसेल.
या कार्डवर कार्ड मालकाची ओळख असणार नाही, ज्यामुळे कार्डच्या बेकायदेशीर वापराची शक्यता कमी होते. कार्डवर कोणताही क्रमांक नसल्यामुळे, ग्राहकाला सुरक्षा आणि गोपनीयतेचे फायदे मिळतात. Fibe अ‍ॅपवर ग्राहक त्यांच्या Fibe Axis Bank क्रेडिट कार्डची मागणी करु शकतात.
Fibe Axis Bank क्रेडिट कार्डचे फायदे:
सर्व प्रकारच्या रेस्टॉरंटमधून ऑनलाइन फूड डिलिव्हरी ऑर्डरवर 3 टक्के कॅशबॅक उपलब्ध आहे.
तुम्हाला राइड अॅप्सवरील स्थानिक प्रवासावर 3 टक्के कॅशबॅक मिळेल.
ऑनलाइन तिकीट प्लॅटफॉर्मवर 3 टक्के कॅशबॅक देखील उपलब्ध आहे.
याशिवाय, ग्राहकांना सर्व ऑनलाइन आणि ऑफलाइन व्यवहारांवर 1 टक्के कॅशबॅक मिळतो.
रुपेद्वारे क्रेडिट कार्ड UPI शी लिंक करण्याची सुविधा.
सर्व व्यवहार डिजीटल प्लॅटफॉर्मवरून केले जातात असे नाही तर हे कार्ड सर्व ऑफलाइन स्टोअर्सवरही स्वीकारले जाते.
ग्राहकांच्या सोयीसाठी यावर टॅप आणि पे फिचर देखील आहे.
कार्डची फी किती आहे?
हे क्रेडिट कार्ड RuPay प्लॅटफॉर्मवर लॉन्च करण्यात येणार आहे. त्यामुळे ग्राहकांना हे क्रेडिट कार्ड UPI शी लिंक करण्याची सुविधा मिळणार आहे. सर्व डिजिटल प्लॅटफॉर्म व्यतिरिक्त, हे कार्ड सर्व ऑफलाइन स्टोअरवर देखील काम करेल. याव्यतिरिक्त, या कार्डावर शून्य वार्षिक शुल्क असणार आहे. हे कार्ड Fibe च्या 21 लाखांहून अधिक ग्राहकांसाठी उपलब्ध असेल.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.