Income Tax Notice: आयकर विभागाने एका गरीब मजुराला 2 कोटी रुपयांहून अधिक कराची नोटीस बजावली आहे. तेल व्यापाऱ्याकडे 10 हजार रुपये दरमहा मजूर म्हणून काम करणाऱ्या राजीवकुमार वर्मा यांना 2 कोटी 3 हजार 308 रुपयांचा कर भरण्याची नोटीस मिळाली आहे. नोटीसमध्ये 67 लाख रुपयांचा दंडही ठोठावण्यात आला असून, तो 2 दिवसांत भरण्यास सांगण्यात आले आहे. हे प्रकरण बिहारच्या गया जिल्ह्यातले आहे.

राजीवने कधीही आयकर विवरणपत्र भरले नाही हे उघड झाले आहे. एवढ्या कमी उत्पन्नात रिटर्न भरण्याची माहितीही त्यांना नव्हती, असे त्यांचे म्हणणे आहे. 2015मध्ये जेव्हा राजीव यांनी कॉर्पोरेशन बँकेत 2 लाख रुपयांची एफडी केली होती. गरज होती म्हणून त्यांनी 2016 मध्ये ही एफडी मोडली.

यानंतर त्यांनी कोणतेही मोठे व्यवहार केले नाहीत. मात्र अचानक आयकर विभागाने 2 कोटी 3 हजार 308 रुपयांची कर नोटीस पाठवून त्यांच्या अडचणी वाढवल्या आहेत. प्राप्तिकर विभागाचा आरोप आहे की राजीव यांनी 2015-16 मध्ये 2 लाख रुपयांची एफडी केली होती, ज्यावरील कर त्यांनी अद्याप भरलेला नाही.

22 जानेवारी 2015 रोजी कॉर्पोरेशन बँकेत 2 लाख रुपये फिक्स डिपॉझिट केले होते, परंतु जेव्हा गरज पडली तेव्हा त्यांनी 16 ऑगस्ट 2016 रोजी पैसे काढले. असे राजीव यांनी सांगितले.

प्राप्तिकर विभागाच्या नोटीस मिळाल्याने राजीव हे गोंधळात पडले होते. गेल्या 4 दिवसांपासून ते कामावर जाऊ शकले नाहीत. निराश होऊन त्यांनी गया येथील आयकर विभागाच्या कार्यालयात संपर्क साधला, जिथे त्यांना पाटण्याला जाण्यास सांगण्यात आले.

या प्रकरणाने पुन्हा एकदा सरकारी यंत्रणेचा निष्काळजीपणा समोर आला आहे. एका गरीब माणसाला, ज्याचे उत्पन्न अत्यंत कमी आहे, त्याला 2 कोटींहून अधिक कराची नोटीस पाठवण्यात आली. या प्रकरणी पुढे काय कारवाई होते आणि राजीवला न्याय मिळतो का हे पाहणे महत्त्वाचे आहे.