लंडन : भारती एंटरप्रायझेसचे संस्थापक आणि अध्यक्ष सुनील भारती मित्तल यांना ब्रिटनचे राजे किंग चार्ल्स यांनी नाइट कमांडर ऑफ द मोस्ट एक्सलंट ऑर्डर ऑफ द ब्रिटिश एम्पायर (केबीई) हा सर्वोच्च सन्मान प्रदान केला आहे. हा सन्मान मिळवणारे सुनील मित्तल हे पहिले भारतीय नागरिक आहेत.

भारत आणि ब्रिटन यांच्यातील संबंध दृढ करण्यासाठी किंग चार्ल्स यांनी मित्तल यांना हा सन्मान प्रदान केला आहे. ‘‘किंग चार्ल्स यांच्याकडून मिळालेल्या या सन्मानाने मी भारावून गेलो आहे. ब्रिटन आणि भारताचे ऐतिहासिक संबंध आहेत, जे आता वाढत्या सहकार्याच्या नव्या युगात प्रवेश करत आहेत. दोन्ही देशांमधील आर्थिक आणि द्विपक्षीय व्यापार संबंध मजबूत करण्यात योगदान देण्याकरिता मी वचनबद्ध आहे,’’ असे मित्तल म्हणाले.