Zomato To Expand Blinkit: ऑनलाइन फूड डिलिव्हरी प्लॅटफॉर्म झोमॅटो आपल्या 10 मिनिटांच्या डिलिव्हरी प्लॅटफॉर्म ब्लिंकिटचा विस्तार करण्याची योजना आखत आहे. इकॉनॉमिक टाईम्समधील एका अहवालानुसार, ब्लिंकिटमध्ये विविध उत्पादने जोडणार आहे.
झोमॅटोची ॲमेझॉन आणि फ्लिपकार्टशी स्पर्धा
कंपनीचा विस्तार करून Zomato थेट Amazon आणि Flipkart सारख्या ई-कॉमर्स कंपन्यांशी स्पर्धा करू शकते. झोमॅटो स्वतःची पुरवठा साखळी तयार करण्याची योजना आखत आहे. डायरेक्ट-टू-कंझ्युमर (D2C) क्षेत्रातील ही वाटचाल कंपनीसाठी दीर्घकालीन वाढ म्हणून पाहिली जात आहे. (Deepinder Goyal's plan for Zomato's Blinkit that may worry Amazon, Flipkart)
कंपनीने याबाबत अद्याप कोणतीही अधिकृत घोषणा केलेली नाही
झोमॅटोने या धोरणाचा भाग म्हणून किमान दोनदा ई-कॉमर्स एनेबलर, शिप्रॉकेट विकत घेण्याचा आणि विलीन करण्याचा प्रयत्न केला होता. अहवालानुसार, ShipRocketने विलीनीकरणाची ऑफर नाकारली.
डिसेंबर तिमाहीत झोमॅटोचा निव्वळ नफा
Zomato ने एक्सचेंजेसला दिलेल्या माहितीनुसार, कंपनीने वार्षिक आधारावर (YoY) 138 कोटी रुपयांचा निव्वळ नफा कमावला आहे. तर कंपनीला मागील वर्षीच्या याच कालावधीत (FY23Q3) 347 कोटी रुपयांचा निव्वळ तोटा झाला होता.
सप्टेंबर तिमाहीत (FY24Q2), कंपनी तोट्यातून सावरली आणि 36 कोटी रुपयांचा निव्वळ नफा कमावला. त्याचवेळी, चालू आर्थिक वर्षाच्या तिसऱ्या तिमाहीत कंपनीचा एकूण महसूल 69 टक्क्यांनी वाढून 3,288 कोटी रुपयांवर पोहोचला आहे. तर एका वर्षापूर्वी याच कालावधीत (FY23Q3) तो 1,948 कोटी रुपये होता.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.