Ganesh Chaturthi 2023 Bank Holiday: गणेश चतुर्थीचा सण देशभरात थाटामाटात आणि उत्साहात साजरा केला जातो. यावर्षी हा सण 10 दिवसांचा असणार आहे. 19 सप्टेंबर ते 28 सप्टेंबर दरम्यान साजरा केला जाणार आहे. या दिवशी देशातील अनेक बँकांना सुट्ट्या असतील तर वेगवेगळ्या राज्यांमध्ये वेगवेगळ्या दिवशी सुट्ट्या असतील.

गणेश चतुर्थीला बँका बंद

गणेश चतुर्थीला काही शहरांमध्ये 18, 19 आणि 20 सप्टेंबरला सुट्ट्या असतील. त्यामुळे विविध राज्यांमध्ये तीन दिवस बँका बंद राहणार आहेत. रिझर्व्ह बँक ऑफ इंडियाच्या सुट्टीच्या कॅलेंडरनुसार, 18 सप्टेंबर रोजी बंगळुरू, चेन्नई, हैदराबाद आणि तेलंगणामध्ये वारससिद्धी विनायक व्रत / विनायक चतुर्थी निमित्त सुट्टी असेल.

19 सप्टेंबरला अहमदाबाद, बेलापूर, भुवनेश्वर, मुंबई, नागपूर, पणजी या शहरांमध्ये गणेश चतुर्थी निमित्त बँकांना सुट्टी असेल.

20 सप्टेंबरला बँका कोठे बंद राहतील?

गणेश चतुर्थीच्या दुसऱ्या दिवशी 20 सप्टेंबर रोजी भुवनेश्वर आणि पणजीमध्ये सुट्टी असेल. रिझर्व्ह बँक ऑफ इंडियाच्या सुट्टीच्या यादीनुसार, सप्टेंबरमध्ये 12 अधिकृत सुट्ट्या असतील (राज्यानुसार बदलू शकतात). याशिवाय रविवार आणि पर्यायी शनिवारची सुटी जोडली तर 16 दिवस बँकांना सुट्टी असेल.

सप्टेंबरमधील इतर सुट्ट्यांची यादी

• 22 सप्टेंबर 2023- श्री नारायण गुरु समाधी दिन (कोची, पणजी आणि त्रिवेंद्रममधील बँकांना सुट्टी असेल).

• 23 सप्टेंबर 2023- चौथ्या शनिवारमुळे देशभरात बँका बंद राहतील.

• 24 सप्टेंबर 2023- रविवार

• 25 सप्टेंबर 2023- श्रीमंत शंकरदेव यांची जयंती (गुवाहाटीमधील बँकांना सुट्टी असेल).

• 27 सप्टेंबर 2023- मिलाद-ए-शरीफ (जम्मू, कोची, श्रीनगर आणि त्रिवेंद्रममध्ये बँक सुट्टी).

• 28 सप्टेंबर 2023- ईद-ए-मिलाद (अहमदाबाद, ऐझॉल, बेलापूर, बेंगळुरू, भोपाळ, चेन्नई, डेहराडून, तेलंगणा, इंफाळ, कानपूर, लखनौ, मुंबई, नागपूर, नवी दिल्ली, रायपूर, रांची येथे बँकांना सुट्टी).

• 29 सप्टेंबर 2023- ईद-ए-मिलाद-उल-नबी (गंगटोक, जम्मू आणि श्रीनगरमध्ये बँका बंद राहतील).